1 डिसेंबरपासून PNB करणार आहे मोठा बदल, त्याचा थेट परिणाम ग्राहकांच्या खिशावर कसा होईल जाणून घ्या

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । पंजाब नॅशनल बँकेने (PNB) आपल्या खातेदारांना मोठा झटका देण्याची तयारी केली आहे. बँकेने आपल्या बचत खात्याच्या व्याजदरात बदल करण्याचा निर्णय घेतला आहे. पंजाब नॅशनल बँकेने 1 डिसेंबरपासून आपल्या बचत खात्याचे व्याजदर कमी करण्याचा निर्णय घेतला आहे. PNB च्या अधिकृत वेबसाईटवर जारी केलेल्या माहितीनुसार, 1 डिसेंबरपासून बचत खात्याच्या व्याजदरात कपात केली जाईल.

व्याज किती असेल जाणून घ्या
बँकेच्या अधिकृत वेबसाइटनुसार, बचत खात्यावरील व्याजदर 2.90 टक्क्यांवरून 2.80 टक्क्यांपर्यंत कमी करण्याचा निर्णय घेण्यात आला आहे. बँकेच्या या निर्णयामुळे नवीन आणि जुने दोन्ही ग्राहक प्रभावित होणार आहेत.

किती बॅलन्स आहे त्यावर किती व्याज मिळेल?
पंजाब नॅशनल बँकेनुसार, 1 डिसेंबर 2021 पासून, बचत खात्यातील 10 लाख रुपयांपेक्षा कमी बचत खात्यावरील बॅलन्स व्याज दर वार्षिक 2.80 टक्के असेल. त्याच वेळी, 10 लाख रुपये आणि त्याहून अधिकसाठी, व्याज दर वार्षिक 2.85 टक्के असेल.

PNB ही देशातील दुसरी सर्वात मोठी सरकारी बँक आहे, त्याआधी स्टेट बँक ऑफ इंडिया पहिल्या क्रमांकावर आहे. SBI च्या बचत खात्यावर वार्षिक 2.70 टक्के व्याज मिळते. त्याच वेळी, कोटक महिंद्रा बँक आणि इंडसइंड बँक बचत खात्यांवरील व्याज दर वार्षिक 4-6% आहे.

सार्वजनिक क्षेत्रातील बँकांमध्ये किती व्याजदर आहेत
IDBI बँक – 3 ते 3.25 टक्के
कॅनरा बँक – 2.90 टक्के ते 3.20 टक्के
बँक ऑफ बडोदा – 2.75 टक्के ते 3.20 टक्के
पंजाब आणि सिंध बँक – 3.10 टक्के

खासगी बँका – 3 ते 5 टक्के व्याज देत आहेत
HDFC बँक – 3 ते 3.5 टक्के
ICICI बँक – 3 ते 3.5 टक्के
कोटक महिंद्रा बँक – 3.5 टक्के
इंडसइंड बँक- 4 ते 5 टक्के

Leave a Comment