नवी दिल्ली । पंजाब नॅशनल बँकेच्या फसवणूकी (PNB Scam) प्रकरणात नीरव मोदी (Nirav Modi) याच्यासह मुख्य आरोपी असलेला मेहुल चोकसी (Mehul choksi) अँटिगा (Antigua) येथूनही फरार झाल्याची माहिती मिळालेली आहे. अँटिगा पोलिसांनी मेहुल चोकसीचा शोध सुरू केला आहे. या विषयावर अँटिगा आणि बार्बुडाचे पंतप्रधान गॅस्टन ब्राउन (Gaston Browne) म्हणाले की,” चोकसी क्यूबा (Cuba) मध्ये जाण्याची शक्यता फारच कमी आहे. मात्र तो अँटिगामधून फरार झाला आहे याची आपल्याकडे ठाम माहिती उपलब्ध नाही. तरीही मेहुल चोकसी जर देश सोडून गेला तर आम्ही त्याचे नागरिकत्व काढून घेऊ.”
इंटरपोलवर माहिती शेअर केली जात आहे
PM Browne म्हणाले की, अँटिगा सरकारने चोकसीच्या बेपत्ता होण्याविषयी भारताला माहिती दिली आहे. तसेच इंटरपोलबरोबरही याबाबतची माहिती शेअर केली जात आहे. तसेच ब्राउन यांनी सांगितले की,” योग्य प्रक्रियेनंतर चोकसीचे भारताकडे प्रत्यार्पण केले जाईल. 23 मे 2021 पासून अँटिगा पोलिस मेहुल चोकसीचा शोध घेत आहेत. तो कॅरिबियन बेटांच्या वायव्येकडे सुमारे 1,700 कि.मी. अंतरावर दोन तासांच्या विमानाने क्युबाला गेला असल्याची भीती व्यक्त केली जात आहे. असे म्हटले जात आहे की, चोकसी हा भारताबरोबरीला प्रत्यार्पणाच्या भीतीने क्युबाला पळून गेला असावा.
क्युबाशी भारताबरोबर प्रत्यार्पणाचा करार नाही
स्थानिक माध्यमांच्या म्हणण्यानुसार चोकसीने क्युबामध्ये आपला तळ ठोकला आहे. वास्तविक, क्युबाशी भारत प्रत्यार्पणाचा करार नाही. अहवालात असेही म्हटले गेलेले आहे की चोकसी क्युबामधील सुरक्षित घरात राहत आहे. पंजाब नॅशनल बँक (PNB) कडील 13,500 कोटी रुपयांच्या फसवणूकीच्या प्रकरणात चोकसी हा वॉन्टेड आहे. जानेवारी 2018 पासून तो अँटिगामध्येच राहत आहे. चोकसीचे वकील विजय अग्रवाल यांनीही त्याच्या बेपत्ता होण्याची पुष्टी केली आहे. जानेवारी 2018 मध्ये भारतातून पळण्यापूर्वी चोकसीने 2017 मध्ये कॅरेबियन देश अँटिगा आणि बार्बुडाचे नागरिकत्व घेतले होते. त्याचवेळी नीरव मोदी हा सध्या लंडनच्या तुरूंगात बंद आहे. या दोघांविरूद्ध सीबीआय चौकशी करत आहे.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा
Click Here to Join Our WhatsApp Group