राधाकृष्ण विखे पाटील यांचे सुपुत्र सुजय विखे हे भाजपच्या चिन्हावर लोकसभा लढवत आहेत. खासदार गांधी यांनी दोन दिवसांपूर्वीच भूमिका जाहीर करताना पक्षाच्या उमेदवाराचे काम करणार, असे स्पष्ट केले होते. मात्र, ते अद्याप प्रचारात सक्रिय झालेले नव्हते. राधाकृष्ण विखे पाटील यांनी नगरमध्ये प्रचार करणार नाही, असे स्पष्ट केले असले, तरी सुद्धा सुजय यांच्यासाठी नेत्यांच्या भेटीगाठी सुरू केल्या आहेत. याच पार्श्वभूमीवर त्यांनी गांधी यांच्या निवासस्थानी जाऊन भेट घेतली. गांधी व विखे यांच्यात बंद खोलीमध्ये स्वतंत्रपणे चर्चाही झाली.
गांधी यांचे सुपुत्र सुवेंद्र गांधी यांनी अपक्ष उमेदवारी करण्याची घोषणा केलेली आहे. त्यांनी मतदारसंघात बैठकाही सुरू केलेल्या आहेत. या पार्श्वभूमीवर गांधी व विखे यांच्या चर्चा झाल्याचे समजते. मात्र आमची भेट औपचारिक होती असे विखे यांनी पत्रकारांना सागितले.