खाऊगल्ली | चहा हा अमृतासारखा असला तरी त्यात प्रेम नसेल तर तो व्यर्थच म्हणावा लागेल. आजूबाजूला चहा पिणारी लोकं जेव्हा म्हणू लागली की चहा म्हणून फक्त साखरेचं पाणीच मिळणार असेल तर बाहेर चहाच नको प्यायला त्यावेळी वाईट वाटलं..आणि निर्णय घेतला झकास चहा बनवून द्यायचा..चहा बनवण्याची आवड लहानपणापासूनच होती, आता फक्त ती मनापासून जोपासली. साताऱ्यातील नागरिकांची चहाची तल्लफ लक्षात घेऊन त्यांना प्रेमाचा चहा उपलब्ध करून देणाऱ्या अजय राजपुरे आणि सागर काकडे यांनी चहाविषयीची ही माहिती आज हॅलो महाराष्ट्रला दिली.
२१ जून २०१८ रोजी साताऱ्यातील राजवाडा परिसरात गोल बागेसमोर या शॉपची सुरवात करण्यात आली. कुटुंबातील लोकच या ठिकाणी आपुलकीने लोकांची सेवा करतात. अमृततुल्य हे नाव लोकांना तितकं पचनी पडत नाही, अशावेळी आपुलकी वाटणारं नाव म्हणून प्रेमाचा चहा असं ट्रेंडी नाव दुकानाला दिलं. चहासाठी वापरण्यात येणारा मसाला ५ वेगळ्या पदार्थांपासून बनविला जातो, आणि हाच मसाला चहाला स्पेशल टेस्ट देतो. चहामुळे पित्त किंवा आरोग्याच्या कोणत्याच तक्रारी उद्भवत नाहीत. प्रेझेन्टेशन कौशल्यामुळे सुद्धा लोक दुकानाकडे सहज आकर्षिले जातात. स्वच्छतेला आणि क्वालिटीला प्राधान्य देण्याचा आमचा प्रयत्न असून विविध कार्यक्रमांच्या पार्टी ऑर्डर्स देखील स्वीकारत असल्याचंही अजय यांनी सांगितलं.
तर सातारकर मंडळी, तुमच्यातील हरवलेल्या प्रेमाचा शोध घ्यायला एकदा नक्की भेट द्या आणि पिऊन पहा – प्रेमाचा चहा
अजय राजपुरे – 9595435043, 9595958410