कराड | साकुर्डी येथील प्रशांत आनंदराव पाटील (वय- 33) यांचे हदयविकाराच्या धक्क्याने निधन झाले. शनिवारी दि. 22 रोजी सायंकाळी 4 वाजण्याच्या सुमारास पुणे येथे प्रशांत पाटील यांना हदयविकाराचा धक्का बसला. त्यांना वैद्यकीय उपचारासाठी दवाखान्यात नेण्यात आले होते. मात्र, डाॅक्टरांनी त्यांचा मृत्यू झाला असल्याचे सांगितले.
प्रशांत यांचा मृतदेह कराड तालुक्यातील साकुर्डी या मूळ गावी आज रविवारी दि. 23 रोजी सकाळी 7 वाजता आणण्यात आला. ऐन तारूण्यात त्याचा मृत्यू झाल्याने परिसरात हळहळ व्यक्त केली जात आहे. कराडसह पुण्यात त्यांचा मोठा मित्र परिवार होता.
प्रशांत हे पुणे येथे खासगी कंपनीत इंजिनिअर म्हणून काम करत होते. त्याच्या पश्चात पत्नी, दीड वर्षाची मुलगी, बहिण, भाऊ, आई- वडिल असा परिवार आहे. सामाजिक कार्यात त्यांचा सहभाग असे. रक्षाविसर्जन मंगळवारी दि. 25 रोजी साकुर्डी येथे होणार आहे.