हॅलो महाराष्ट्र ऑनलाईन । कोरोनामुळे जगभरात हाहाकार माजलेला आहे. या कोरोना विषाणूचे संक्रमण दिवसागणिक वाढतच चालले आहे. अशा या प्राणघातक विषाणूच्या संसर्गाला आतापर्यंत सर्वसामान्यां बरोबरच अनेक सेलिब्रिटी देखील बळी पडलेले आहेत. अशा सेलिब्रेटींपैकी एक असलेले ब्रिटनचे प्रिन्स चार्ल्स यांनाही काही महिन्यांपूर्वी कोरोनाची लागण झाली होती. लंडन मध्ये झालेल्या एका कार्यक्रमादरम्यान एका कोरोना बाधित व्यक्तीच्या संपर्कात आल्यानंतर त्यांची चाचणी केली गेली जी पॉझिटिव्ह आलेली होती. त्यानंतर काही दिवसांच्या उपचारानंतर ते यातून बरेही झाले. तर नुकतेच त्यांनी आपल्याला आलेल्या या अनुभवाबद्दल सांगितले आहे.
ते म्हणाले कि, ‘कोरोना विषाणूची लागण मलाही झाली होती. मात्र या आजारातून आता मी पूर्णपणे बरा झालो आहे. यामुळे मी स्वतःला भाग्यवान समजतो आहे. कोरोनाचा संसर्ग मलाही झाला होता. मात्र माझ्यामध्ये या रोगाची सौम्य लक्षणं दिसत होती. आता मी यातून पूर्णपणे बरा झालेलो आहे आणि मला याचा निश्चितच आनंद होतो आहे असं प्रिन्स चार्ल्स यांनी सांगितलं आहे.
७१ वर्षीय प्रिन्स चार्ल्स यांना मार्च महिन्यातच कोरोनाची लागण झाली होती. त्यानंतर त्यांनी स्वतःला आयसोलेट केले होते. स्कॉटलँड इस्टेट या ठिकाणी त्यांनी आयसोलेशनमध्ये ठेवले होते. कोरोनाबाबतचा आपला अनुभव सांगताना ते म्हणाले की, माझ्यामध्ये कोरोनाची काही सौम्य प्रमाणात लक्षणं जाणवली होती. मात्र योग्यवेळी घेतलेल्या उपचारामुळे कोरोनातून मी यातून पूर्णपणर बरा झालो याचा मला आनंद वाटतो आहे. स्काय न्यूजशी बोलताना त्यांनी हे वक्तव्य केलं आहे. सध्या जगभरात कोरोनाची साथ सुरु आहे. लोकं कोणत्या संकटातून जात असतील याची मला कल्पना आली आहे. तेव्हा हिंमत हरु नका, कोरोनाशी लढा द्या,असंही प्रिन्स चार्ल्स यांनी म्हटलं आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.