पुणे । राज्यात मुंबईनंतर पुणे शहरात सर्वाधिक कोरोना बाधित रुग्ण आहेत. पुणे शहरात आज एकाच दिवसात तब्बल २०२ नवीन कोरोनाग्रस्त सापडल्याने आता पुणेकरांची चिंता वाढली आहे. आज दिवसभरात शहरात एकूण ११ जणांचा कोरोनामुळे मृत्यू झाला आहे. मृत्यू झालेल्यांमध्ये एका ४६ वर्षीय तृतीयपंथीयाचा समावेश आहे. ताज्याकडेवारीनुसार, पुण्यातील एकूण कोरोनाग्रस्तांची संख्या आता ३२९५ झाली आहे. तर मृतांची संख्या १८५ झाली आहे.
#PMC #Pune #CoronaUpdates pic.twitter.com/Cub0AL0FkZ
— PMC Care (@PMCPune) May 15, 2020
तसेच आह महाराष्ट्रात १ हजार ६०६ नवे करोना रुग्ण सापडले आहेत. महाराष्ट्रातील एकूण रुग्णांची संख्या ३० हजार ७६ इतकी झाली आहे अशी माहिती आरोग्यमंत्री राजेश टोपे यांनी दिली आहे. शनिवारी राज्यात ५२४ करोना रुग्ण बरे झाले आहेत. आत्तापर्यंत एकूण ७ हजार ८८ रुग्ण बरे झाले आहेत. त्यांना डिस्चार्ज देण्यात आला आहे असंही राजेश टोपे यांनी स्पष्ट केलं. सध्या राज्यात २२ हजार ४७९ रुग्णांवर उपचार सुरु आहेत असंही त्यांनी म्हटलं आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.