शर्तभंग प्रकरणी पुरोहित नमस्तेचा करार रद्द करावा ; आॅल इंडिया पँथर सेनेचा पाचगणी नगरपालिकेसमोर घंटानाद

सातारा प्रतिनिधी | पाचगणीच्या उच्चभ्रु शाॅपिंग सेंटरमधील पुरोहीत नमस्ते या भाडेपट्टा गाळ्यात भाडेपट्ट्याचा शर्तभंग करत करण्यात आलेल्या अनधिकृत बांधकामावर कारवाई करुन “पुरोहीत नमस्ते” च्या मालकाचा भाडेपट्टा करार रद्द व्हावा या मागणीसाठी पाचगणी नगरपालिकेसमोर “आॅल इंडीया पॅन्थर सेनेच्या कार्यकर्त्यांनी घंटानाद आंदोलन करत पाचगणी नगरपालिकेचा परिसर दणाणून सोडला.

धनदांडग्यांवर कारवाई झाली पाहिजे, मुख्याधिकारी होश मे आओ, पुरोहीत नमस्तेचा भाडेपट्टा करार रद्द करा अशा गगनभेदी घोषणा यावेळी देण्यात आल्या. पाचगणी या इंग्रजांनी शोधलेल्या शहरामध्ये बहुतांशी मालमत्ता या भाडेपट्ट्यावर आहेत. या ठिकाणी पुरोहित नमस्तेच्या मालकांनी बेकायदेशीररित्या अंतर्गत डागडुजीचे काम केले आहे.

पाचगणीतील नगरपालिका हद्दीमध्ये फायनल प्लाॅट नंबर १८० व फायनल प्लाॅट नंबर १८२ या भाडेपट्टा भुखंडावर पाचगणी नगरपालिकेने सन १९८८ ला वाणिज्य संकुल मंजूर करुन घेतले आहे. या वाणिज्य संकुलातील दुकान गाळ्याची लांबी आणि रुंदी ठरवून दिली आहे. नगररचना विभाग पुणे व सातारा यांनी परवानगी देताना गाळ्यामध्ये कोणताही बदल करु नये अशी अट भाडेकरूंना घातली आहे. मात्र पाचगणीत भाडेपट्टा वाणिज्य संकुलातील धारकच मालक झाले आहेत. प्रशासनाचा वचक राहीला नसल्याने राजकीय दबाव व नगरपालिकेतील अधिकारी हाताशी धरत पाचगणीतील भाडेपट्टा शाॅपिंग सेंटरमध्ये अनागोंदी कारभार सुरु आहे.

पँथर सेनेने याविषयी आवाज उठवत घंटानाद आंदोलन केलं. यावेळी पाचगणी पोलिसांकडून यावेळी चोख बंदोबस्त ठेवण्यात आला होता.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.

You might also like