Railway News : खुशखबर ! जळगाव-भुसावळ मार्गे धावणाऱ्या ‘या’ विशेष रेल्वे गाड्यांना मुदतवाढ

Railway News : श्रावण महिना सुरु असल्यामुळे अनेक सण उत्सवांना सुरुवात झाली आहे. या निमित्ताने अनेकजण प्रवास करीत असतात. तसेच आगामी गणेशोत्सवाच्या दृष्टीने रेल्वेने प्रवास करणाऱ्यांची संख्या देखील अधिक असते. म्हणूनच रेल्वे गाडयांना होणारी गर्दी लक्षात घेता रेल्वे विभागाकडून विशेष गाड्यांना मुदतवाढ देण्यात आली आहे या विशेष गाड्या जळगाव (Railway News) भुसावळ मार्गे धावणार असल्यामुळे प्रवाशांची मोठी सोय होणार आहे. चला जाणून घेऊया काय आहे या गाड्यांचे वेळापत्रक

दादर-भुसावळ (Railway News)

गाडी क्र. ०९०५१ ही दादर-भुसावळ आणि गाडी क्र. ०९०५२ भुसावळ – दादर त्रि- साप्ताहिक विशेष रेल्वेगाडी दि. ३० डिसेंबर २०२४ पर्यंत, ट्रेन क्र. ०९०४९ दादर-भुसावळ साप्ताहिक आणि क्र. ०९०५० भुसावळ – दादर साप्ताहिक विशेष गाडी २७ डिसेंबर २०२४ पर्यंत वाढविण्यात आली आहे.

बलसाड दानापूर (Railway News)

क्र. ०९०२५ बलसाड दानापूर साप्ताहिक गाडी ३० डिसेंबरपर्यंत, तर क्र. ०९०२६ दानापूर- बलसाड साप्ताहिक गाडीला ३० डिसेंबरपर्यंत मुदतवाढ देण्यात आली आहे.

राजकोट-मेहबूबनगर

ट्रेन क्रमांक ०९५७५ राजकोट-मेहबूबनगर ही रेल्वे ३० डिसेंबर २०२४ पर्यंत, तर क्र. ०९५७६ मेहबूबनगर-राजकोट ही ३१ डिसेंबरपर्यंत चालविण्यात येणार आहे.

उधना-पाटणा (Railway News)

क्र. ०९०४५ उधना-पाटणा ही गाडी २७ डिसेंबर, तर क्र. ०९०४६ पाटणा- उधना साप्ताहिक विशेष गाडी २८ डिसेंबरपर्यंत. क्र. ०९०४१ उधना-छपरा ही गाडी २९ डिसेंबर, तर क्र. ०९०४२ छपरा-उधना साप्ताहिक गाडी ३० डिसेंबरपर्यंत चालविण्यात येणार आहे.