हॅलो महाराष्ट्र्र ऑनलाईन । ऑगस्ट महिन्यात राज्यात धो- धो पाऊस कोसळला असून नदी, नाले आणि ओढे ओसंडून वाहत आहेत. मुसळधार पावसामुळे तब्बल १.७० लाख हेक्टरवरील पिकांचे नुकसान (Marathwada Rain Damage) झाले आहे. नुकसानीचा सर्वाधिक फटका विदर्भ आणि मराठवाड्याला बसला आहे. शेतकऱ्याचे हातातोंडाचं पीक पावसाच्या पाण्यात वाहून गेलं असून बळीराजा पुरता हवालदिल झाला आहे. या एकूण सर्व परिस्थितीवर मनसे अध्यक्ष राज ठाकरे (Raj Thackeray) यांनी ट्विट करत शेतकऱ्यांना मदत करण्याची मागणी राज्य सरकारकडे केली आहे. तसेच राज ठाकरेंनी सरकारलकडे काही सूचना केल्या आहेत.
राज ठाकरेंचं ट्विट जसंच्या तसं –
सस्नेह जय महाराष्ट्र,
गेल्या काही दिवसांत मराठवाड्यात झालेल्या पावसाने, तिथल्या अनेक जिल्ह्यांमध्ये शेतीचं अमाप नुकसान झालं आहे. कित्येक पिकं अगदी काढणीला आलेली असताना वाहून गेली आहेत. डोळ्यासमोर उभं झालेलं पीक नष्ट होणं आणि ते देखील सणासुदीच्या तोंडावर, हे सहन करणं कठीण आहे. राज्य सरकारने तातडीने या नुकसानीचे पंचनामे करून, जितक्या लवकर नुकसान भरपाईची रक्कम देता येईल ते पहावं. शेतकरी पण लाडका आहे हे दाखवून द्यावं. तसंच मराठवाड्यातील महाराष्ट्र सैनिकांनी देखील प्रशासनाकडून नुकसानीचे पंचनामे झटपट होत आहेत ना, नसल्यास ते करायला लावून शेतकऱ्यांना नुकसान भरपाई मिळेल हे पहावं
सस्नेह जय महाराष्ट्र,
— Raj Thackeray (@RajThackeray) September 4, 2024
गेल्या काही दिवसांत मराठवाड्यात झालेल्या पावसाने, तिथल्या अनेक जिल्ह्यांमध्ये शेतीचं अमाप नुकसान झालं आहे. कित्येक पिकं अगदी काढणीला आलेली असताना वाहून गेली आहेत. डोळ्यासमोर उभं झालेलं पीक नष्ट होणं आणि ते देखील सणासुदीच्या तोंडावर, हे सहन करणं कठीण आहे.…
यात अजून एक गोष्ट म्हणजे पावसाच्या पाण्याने जमीन ओली झालेली असते, आणि ती सुकायला वेळ लागतो, यामुळे लहान मुलांपासून ते म्हाताऱ्या माणसांपर्यंत सर्वच जण आजारी पडतात. त्यामुळे ज्या घरांत पाणी शिरलं आहे अशा ठिकाणी प्लॅस्टिकच्या शीट्स पोहचतील किंवा जुने फ्लेक्स तरी पोहचतील हे बघावे ! किमान त्या निमित्ताने तरी पुढारी जनतेच्या घरात पोहोचतील आणि आजपर्यंत आपलं वाटोळ कोणी केलं तेही जनतेला समजेल ! या सगळ्यात सरकारने पण मदतीचा हात आखडता अजिबात घेऊ नये, आणि सणासुदीच्या सुट्ट्या असल्या तरी हा कठीण प्रसंग आहे हे लक्षात घेऊन, प्रशासनाला कामाला लावून नुकसान भरपाई गणपतीच्या सणाच्या काळात मिळेल हे पहावं.
दरम्यान, मागील काही दिवसांत मराठवाडयात धुव्वाधार पाऊस पडत असून अतिवृष्टीमुळे शेतकऱ्यांच्या शेतात पाणी शिरलं आहे, घरात पाणी शिरले आहे. अनेक गावांचा संप्रर्क तुटला आहे. जवळपास 4 लाख 96 हजार 392 हेक्टर जिरायत क्षेत्राचे नुकसान झाले असून सहा लाखांहून अधिक शेतकऱ्यांना या अतिवृष्टीचा फटका बसला आहे. शेतकऱ्याने पिकवलेल कष्टाचे पीक त्याच्या डोळ्यासमोर वाहून गेल्याने बळीराजा चिंतेत आहे.