Ratan Tata | 9 ऑक्टोबर रोजी देशातील उद्योगपती रतन टाटा यांचे निधन झाले. आणि त्यांच्या निधनाने संपूर्ण देशात दुःखद स्थिती निर्माण झालेली होती. वयाच्या 86 व्या वर्षी त्यांनी अखेरचा श्वास घेतला. आयुष्य अगदी साधं सरळ आणि स्वतःच्या मूल्यांवर जगणाऱ्या रतन टाटा यांनी संपूर्ण जगाला खूप चांगले संदेश दिलेले आहे. रतन टाटा यांच्या मागे त्यांच्या कुटुंबात कोणीही नाही. त्यामुळे त्यांच्या मृत्यूनंतर त्यांच्या एवढ्या अब्जावधीच्या संपत्तीचे नक्की काय होणार? असा प्रश्न सगळ्यांनाच पडलेला होता. अशातच रतन टाटा यांचे मृत्युपत्र समोर आलेले आहे. आणि त्यामधील अनेक गोष्टी समोर आलेल्या आहेत. खास गोष्ट म्हणजे या मृत्युपत्रता त्यांनी त्यांचा लाडका पाळीव प्राणी टीटो याच्यासाठी देखील संपत्तीचा काही भाग ठेवलेला आहे. तसेच यामध्ये त्यांचा सहकारी शंतनू नायडू यांचे देखील नाव आहे.
रतन टाटा (Ratan Tata) यांची वैयक्तिक संपत्ती सुमारे 10 हजार कोटी रुपयांनी पेक्षाही जास्त असल्याची माहिती दिली जात आहे. त्यांचा सावत्र भाऊजी जिमी टाटा, सावत्र बहिणी शिरीन आणि दिना यांचा देखील रतन टाटा यांच्या मृत्युपत्रात उल्लेख झालेला आहे. आणि त्यांच्यासाठी देखील त्यांनी त्यांच्या संपत्तीचा काही भाग ठेवलेला आहे. तसेच उर्वरित संपत्ती त्यांनी स्वतःच्या फाउंडेशनला दिलेली आहे.
रतन टाटा यांना त्यांच्या कुत्र्याचा खूप लळा होता. त्यांनी सहा वर्षांपूर्वी टीटो या जर्मन शेफर्ड कुत्र्याला दत्तक घेतलेलं होतं. त्याच्या साठी देखील खास गोष्टी करून ठेवलेल्या आहेत. टिटो हयात असेपर्यंत त्याचे काळजी घेण्यात येईल, असे देखील सांगण्यात आलेले आहे. खरं तर भारतातील असा पहिलाच व्यक्ती दिसून येतो की, ज्यांनी त्याच्या पाळीव प्राण्यांच्या नावावर काही संपत्तीचा भाग केलेला आहे.
एवढंच नाही तर टाटा (Ratan Tata) यांनी त्यांच्याकडे शेफ म्हणून काम करणारे राजन शाह आणि त्यांच्यासोबत 30 वर्षापेक्षा जास्त काळ बटलर म्हणून कार्यरत असलेले सुब्बेयाह यांच्या नावाचाही मृत्युपत्रात समावेश करण्यात आलेला आहे. यावरूनच त्यांचे स्टाफशी असणार त्यांचे जिव्हाळ्याचं नातं सिद्ध झालेले आहे.
तसेच गेल्या अनेक वर्षापासून रतन टाटा यांच्यासोबत त्यांचा सहकारी आणि जवळचा मित्र शांतून नायडू देखील काम करत आहे. सोशल मीडियावर त्यांच्या अनेक फोटो व्हायरल झालेले आहेत. रतन टाटा यांच्या निधनानंतर देखील अंत्यसंस्काराच्या वेळी तो तिथे उपस्थित होता. रतन टाटा यांनी मृत्युपत्र देखील त्यांच्या मित्राचा उल्लेख केलेला आहे. रतन टाटा यांची भागीदारी दिली होती ती आता संपुष्टात आली आहे. तसेच शंतनु यांनी परदेशात शिक्षणासाठी जाण्यासाठी जे कर्ज घेतलं होतं ते देखील माफ करण्यात आलेले आहे.
