नवी दिल्ली । 18 जून 2021 रोजी संपलेल्या पंधरवड्यात बँकेचे कर्ज 5.82 टक्क्यांनी वाढून 108.42 लाख कोटी रुपये झाले, तर ठेवी 10.32 टक्क्यांनी वाढून 152.99 लाख कोटी रुपयांवर पोहोचल्या. रिझर्व्ह बँक ऑफ इंडिया अर्थात RBI च्या डेटामध्ये ही माहिती देण्यात आली आहे.
शुक्रवारी जाहीर झालेल्या 18 जून 2021 रोजी रिझर्व्ह बँकेच्या अनुसूचित बँकांच्या स्थितीनुसार,19 जून, 2020 रोजी संपलेल्या पंधरवड्यात 102.46 लाख कोटी रुपये तर ठेवी 138.67 लाख कोटी रुपये आहेत.
2020-21 आर्थिक वर्षात बँकेच्या कर्जात 5.56 टक्क्यांनी वाढ झाली आहे
यापूर्वी 4 जून 2021 रोजी संपलेल्या पंधरवड्यात बँकेच्या कर्जात 5.74 टक्क्यांची वाढ झाली आहे, तर ठेवींमध्ये 9.73 टक्के वाढ झाली आहे. आर्थिक वर्ष 2020-21 मध्ये बँकेचे कर्ज 5.56 टक्क्यांनी वाढली तर ठेवींमध्ये 11.4 टक्क्यांनी वाढ झाली.
RBI ने फिक्स्ड डिपॉझिटसशी संबंधित हे नियम बदलले
त्याचबरोबर RBI ने शुक्रवारी फिक्स्ड डिपॉझिटसशी संबंधित महत्त्वाचे नियम बदलले आहेत. बँकांमधील फिक्स्ड डिपॉझिटसच्या मॅच्युरिटीनंतर रिझर्व्ह बॅंकेने दावे नसलेल्या रकमेवरील व्याजाचे नियम बदलले आहेत. या नव्या नियमांनुसार, जर मॅच्युरिटीची तारीख गाठली गेली आणि तिच्या रकमेचा दावा केला गेला नाही, तर त्यावरील व्याज कमी असेल.
RBI ने परिपत्रकात म्हटले आहे की, सध्या असे ठरवले गेले आहे की, जर फिक्स्ड डिपॉझिट मॅच्युर झाले आणि रक्कम भरली गेली नाही आणि दावा न सांगता बँकेत पडून असेल तर त्यावरील व्याज दर बचत खात्यानुसार असेल किंवा करार केलेला दर व्याज, जे काही कमी असेल ते फिक्स्ड डिपॉझिटसच्या मॅच्युरिटीवर देय असेल.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा