हॅलो महाराष्ट्र ऑनलाईन । मोबाईल निर्माता कंपनी Realme ने भारतीय बाजारात Realme P2 Pro 5G नावाचा नवीन 5G मोबाईल लाँच केला आहे. 12GB रॅम, 50 MP कॅमेरासह अनेक भन्नाट फीचर्स तुम्हाला या मोबाईल मध्ये पाहायला मिळतील. रिअलमीचा हा मोबाईल 12GB आणि 8GB अशा स्टोरेज व्हेरियंट मध्ये उपलब्ध करण्यात आला असून त्याच्या किमतीही त्यानुसार वेगवेगळ्या आहेत. आज आपण या स्मार्टफोनचे सर्व डिटेल्स अगदी सविस्तरपणे जाणून घेऊयात….
डिस्प्ले –
Realme P2 Pro 5G मध्ये 120Hz रिफ्रेश रेटसह 6.7-इंच फुल HD+ कर्व AMOLED डिस्प्ले देण्यात आला आहे. या डिस्प्लेला 2412×1080 पिक्सेल रिझोल्यूशन, 240Hz टच सॅम्पलिंग रेट आणि 2000Hz इन्स्टंट टच सॅम्पलिंग रेट मिळतो. तसेच 2000Hz निट्स पीक ब्राइटनेसचा सपोर्ट मिळतो. कंपनीने या स्मार्टफोनमध्ये ऑक्टा-कोर स्नॅपड्रॅगन 7S Gen 2 प्रोसेसर बसवण्यात आला असून रिअलमीचा हा मोबाईल Android 14 वर आधारित Realme UI 5.0 या ऑपरेटिंग सिस्टीमवर काम करतो. सिक्युरिटी साठी स्मार्टफोन मध्ये इन-डिस्प्ले फिंगरप्रिंट सेन्सर बसवण्यात आला आहे.
कॅमेरा – Realme P2 Pro 5G
मोबाईलच्या कॅमेराबाबत सांगायचं झाल्यास, Realme P2 Pro 5G मध्ये 50-मेगापिक्सलचा प्राथमिकी कॅमेरा, आणि 8-मेगापिक्सेलचा अल्ट्रा-वाइड कॅमेरा देण्यात आला आहे. तर सेल्फी आणि व्हिडिओ कॉल साठी समोरील बाजूला 32-मेगापिक्सलचा फ्रंट कॅमेरा उपलब्ध आहे. पॉवरसाठी स्मार्टफोन मध्ये 5200mAh बॅटरी बसवण्यात आली असून हि बॅटरी 80W फास्ट चार्जिंगला सपोर्ट करते. रिअलमीचा हा मोबाईल IP65 रेटिंगसह येत आहे, म्हणजेच धूळ आणि पाण्यापासून त्याला कोणताही धोका नाही. अन्य फीचर्सबाबत सांगायचं झाल्यास, यामध्ये ड्युअल 4G VoLTE, Wi-Fi 6, ब्लूटूथ 5.2, ड्युअल-फ्रिक्वेंसी GPS/GLONASS/Beidou, USB Type-C पोर्ट यांसारखे फीचर्स मिळतात.
किंमत किती?
Realme P2 Pro 5G च्या 8GB/128GB स्टोरेज वेरिएंटची किंमत 21,999 रुपये आहे, 12GB/256GB स्टोरेज वेरिएंटची किंमत 24,999 रुपये आहे आणि 12GB/512GB स्टोरेज वेरिएंटची किंमत 27,999 रुपये आहे. हा स्मार्टफोन पॅरोट ग्रीन आणि ईगल ग्रे कलर मध्ये लाँच करण्यात आला आहे. 17 सप्टेंबर रोजी संध्याकाळी 6 वाजता Realme.com, Flipkart आणि ऑफलाइन स्टोअर्सवर विक्रीसाठी हा मोबाईल उपलब्ध असेल.