नवी दिल्ली । रिलायन्स इंडस्ट्रीज (RIL) आणि BP यांनी शुक्रवारी R Cluster च्या माध्यमातून गॅस उत्पादन सुरू करण्याबाबतची माहिती दिली. हा आशिया खंडातील सर्वात खोल जल प्रकल्पांपैकी एक आहे. सन 2023 पर्यंत भारताच्या एकूण गॅसच्या वापरापैकी जवळपास 15 टक्के भाग येथून मिळू शकेल. याबरोबरच रिलायन्स इंडस्ट्रीज आणि ब्रिटनच्या दिग्गज कंपनीने (BP) भारताच्या पूर्व किनारपट्टीवरील KG-D6 ब्लॉकमध्ये आर क्लस्टर आणि अल्ट्रादीप वॉटर गॅसद्वारे उत्पादन सुरू केल्याचे जाहीर केले आहे.
KG-D6 ब्लॉकमध्ये तीन प्रकारच्या प्रकल्पांवर काम
दोन्ही कंपन्या तीन प्रकारच्या प्रकल्पांवर काम करत आहेत. आर क्लस्टर त्यापैकीच एक आहे. रिलायन्स आणि बीपी दोघेही खोल पाण्याच्या वायू प्रकल्पांच्या क्षेत्रात काम करीत आहेत. KG-D6 मधील हा प्रकल्प R Cluster, Satellites Cluster आणि MJ आहे. मिळालेल्या माहितीनुसार, Satellites Cluster हा पुढील प्रकल्प असेल, जो 2021 मध्ये सुरू केला जाऊ शकतो.
KG-D6 ब्लॉकमधील विद्यमान पायाभूत सुविधा या प्रकल्पांच्या विकासासाठी वापरल्या जातील. मुकेश अंबानी यांच्या मालकीची रिलायन्स इंडस्ट्रीज KG-D6 ब्लॉक चालवते. त्यापैकी 66.67 टक्के हिस्सा हा आरआयएलकडे आणि 33.33 टक्के हिस्सा बीपीकडे आहे. आर क्लस्टरचे अंतर सध्याच्या KG D6 Control & Riser Platform (CRP) पासून काकीनाडा किनाऱ्याकडे 60 किमी आहे.
रिलायन्स इंडस्ट्रीजचे अध्यक्ष व व्यवस्थापकीय संचालक मुकेश अंबानी म्हणाले की, बीपीबरोबरच्या आमच्या भागीदारीचा आम्हाला अभिमान आहे, ज्यामध्ये आम्ही गॅस प्रकल्पासाठी एकत्रितपणे आपली कौशल्ये वापरत आहोत. भौगोलिक आणि हवामान दृष्टीकोनातून हे खूप आव्हानात्मक आहे. भारताच्या ऊर्जा क्षेत्राच्या दृष्टीनेही ही एक महत्त्वपूर्ण कामगिरी आहे. यामुळे स्वच्छ आणि हरित वायूची अर्थव्यवस्था निर्माण होण्यास मदत होईल. कृष्णा गोदावरी खोऱ्यातील खोल पाण्याच्या पायाभूत सुविधांच्या माध्यमातून आम्ही गॅस उत्पादनावर आणि देशातील स्वच्छ उर्जा गरजा भागवण्यासाठी काम करत आहोत.
बीपीओचे मुख्य कार्यकारी अधिकारी बर्नार्ड लन्नी म्हणाले की, ही सुरुवात रिलायन्सबरोबरच्या भागीदारीच्या संभाव्यतेच्या दिशेने एक पाऊल आहे. त्यांच्या तज्ञांच्या मदतीने दोन्ही कंपन्या भारतातील वाढत्या ऊर्जेच्या गरजा भागविण्यासाठी मदत करत आहेत. सुरक्षित उर्जेची मागणी भारतात वाढत आहे आणि KG D6 चा हा नवीन प्रकल्प पूर्ण होण्यास मदत होईल. त्याचबरोबर देशाच्या ऊर्जेच्या गरजेसाठी हा एक चांगला पर्याय तयार करण्यासही मदत होईल.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.