मुंबई । रिलायन्स रिटेल वेंचर्स लिमिटेड (Reliance Retail Ventures Limited) या रिलायन्स इंडस्ट्रीज लिमिटेड (RIL) च्या रिटेल बिझिनेस युनिटने 3,497 कोटी रुपयांमध्ये डिजिटल डायरेक्टरी सर्व्हिस फर्म Just Dial Limited मध्ये बहुतांश हिस्सा विकत घेतला आहे. रिलायन्स रिटेलने म्हटले आहे की,”त्यांनी Just Dial Limited मध्ये 40.95 टक्के हिस्सा विकत घेतला आहे.” कंपनीने एका निवेदनात म्हटले आहे की,”व्हीएसएस मणि जस्ट डायलचे व्यवस्थापकीय संचालक आणि मुख्य कार्यकारी अधिकारी म्हणून कायम राहतील.”
RRVL ने दिलेले भांडवल Just Dial च्या वाढीसाठी आणि विस्तारासाठी वापरले जाईल. Just Dial त्यांच्या स्थानिक व्यवसायांची लिस्टिंग आणखी मजबूत करेल. Just Dial त्याच्या प्लॅटफॉर्मवर कोट्यवधी उत्पादने आणि सेवांच्या विस्तारावर काम करेल, ज्यामुळे व्यवहारास चालना मिळेल. ही गुंतवणूक Just Dial च्या अस्तित्त्वात असलेल्या डेटाबेसमध्येही मदत करेल. 31 मार्च 2021 पर्यंत, Just Dial च्या डेटाबेसमध्ये 30.4 मिलियन लिस्टिंग होती आणि 129.1 मिलियन यूनिक यूजर्स या तिमाहीत Just Dial प्लॅटफॉर्म वापरत होते.
या कराराबद्दल बोलताना RRVL चे संचालक ईशा अंबानी म्हणाले, “रिलायन्स पहिल्या पिढीतील उद्योजक व्हीएसएस मणी यांच्याशि पार्टनरशिप करून आपल्या व्यवसायातील कौशल्य आणि कार्यक्षमतेने मजबूत व्यवसाय बनविला आहे. Just Dial मधील गुंतवणूकीमुळे आमचे कोट्यवधी भागीदार व्यापारी, सूक्ष्म, लघु आणि मध्यम उद्योगांसाठी डिजिटल इकोसिस्टम वाढेल आणि न्यू कॉमर्स सेक्टरशी असलेली आमची वचनबद्धता अधोरेखित होईल. ”
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा
Click Here to Join Our WhatsApp Group