संशोधनाचा दावा -“डायबेटिझचे औषध COVID-19 चा धोका कमी करते”

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

वॉशिंग्टन । लठ्ठपणा आणि टाइप 2 डायबिटीजच्या उपचारांमध्ये वापरल्या जाणाऱ्या औषधाने कोविड -19 ग्रस्त रुग्णांमध्ये श्वासोच्छवासाच्या समस्येचा धोका कमी होऊ शकतो, असे एका अभ्यासात आढळून आले आहे. जर रुग्णाने विषाणूजन्य आजाराने ग्रस्त होण्यापूर्वी सहा महिने आधी हे औषध घेतले असेल तर त्याच्यामध्ये कोविड -19 चा धोका कमी होतो.

अमेरिकेतील पेन स्टेट कॉलेज ऑफ मेडिसिनच्या संशोधकांनी जानेवारी ते सप्टेंबर 2020 दरम्यान SARS-CoV-2 चे निदान झालेल्या टाइप 2 डायबिटीज असलेल्या सुमारे 30,000 रुग्णांच्या इलेक्ट्रॉनिक मेडिकल रेकॉर्डसचे विश्लेषण केले. डायबिटीज जर्नलमध्ये मंगळवारी प्रकाशित झालेल्या अभ्यासात असे सुचवले गेले आहे की,” औषध ग्लूकागॉन-सारखे पेप्टाइड -1 रिसेप्टर (GLP-1R) हे COVID-19 च्या गुंतागुंतांपासून संभाव्य संरक्षण देऊ शकते का हे पाहण्यासाठी पुढील चाचणी केली पाहिजे.”

पेन स्टेट येथील प्राध्यापक पेट्रीसिया ग्रिगसन म्हणाले,”आमचे निष्कर्ष अतिशय उत्साहवर्धक आहेत, कारण GLP-1R लक्षणीय संरक्षण देते असे दिसते, परंतु या औषधांचा वापर आणि टाइप 2 डायबिटीज असलेल्या रुग्णांमध्ये गंभीर COVID-19 चा धोका कमी होऊ शकतो. पुढे यांच्यातील संबंध प्रस्थापित करण्यासाठी आणखी संशोधन होणे आवश्यक आहे”.

संशोधकांच्या मते, ‘COVID-19 मुळे रुग्णालयात दाखल आणि मृत्यू टाळण्यासाठी लस हे सर्वात प्रभावी संरक्षण आहे. परंतु दुर्मिळ, गंभीर संक्रमणाने ग्रस्त असलेल्या रुग्णांची स्थिती सुधारण्यासाठी अतिरिक्त प्रभावी उपचारांची आवश्यकता असते.

COVID-19 पासून पीडित रुग्ण जे आधीच डायबिटीजसारख्या आजाराने ग्रस्त आहेत त्यांना संसर्ग होण्याचा उच्च धोका आहे आणि त्यांचा मृत्यू देखील होऊ शकतो. ब्रिटनमध्ये नुकत्याच झालेल्या एका अभ्यासात असे म्हटले आहे की,” देशात COVID-19 मुळे मरण पावलेल्या लोकांपैकी सुमारे एक तृतीयांश लोक टाइप 2 डायबिटीजचे आहेत.

Leave a Comment