कल्याण : हॅलो महाराष्ट्र – ठाणे जिल्ह्यातील उल्हासनगर परिसरात एक धक्कादायक घटना घडली आहे. यामध्ये एका 35 वर्षीय रिक्षाचालकाने अल्पवयीन मुलीवर बलात्कार केला आहे. मागच्या सहा महिन्यांपासून नराधम आरोपी पीडित मुलीसोबत हे धक्कादायक कृत्य करत होता. या घटनेची माहिती पीडित मुलीच्या वडिलांना समजताच त्यांनी पोलीस ठाण्यात धाव घेतली. यानंतर पोलिसांनी बाल लैंगिक अत्याचार प्रतिबंधक कायद्यासह अन्य कलमाअंतर्गत गुन्हा दाखल करून आरोपीला अटक केली आहे.
या आरोपी रिक्षाचालकावर गुन्हा दाखल होताच विठ्ठलवाडी पोलिसांनी अवघ्या 24 तासांत आरोपी रिक्षाचालकाला ताब्यात घेतले आहे. पोलीस या घटनेचा पुढील तपास करत आहेत. दीपक हिवाळे असे या आरोपी नराधमाचे नाव आहे. तो रिक्षाचालक आहे. आरोपी हिवाळे याने काही दिवसांपूर्वी अल्पवयीन मुलीसोबत आपली ओळख वाढवली होती. यानंतर या नराधम आरोपीने तिच्या अज्ञानपणाचा फायदा घेत तिच्यावर लैंगिक अत्याचार केले.
हा सगळा प्रकार मागच्या सहा महिन्यांपासून सुरु होता. या सगळ्या प्रकारची माहिती पीडित मुलीच्या आईवडिलांना समजताच त्यांनी तातडीने विठ्ठलवाडी पोलीस ठाण्यात धाव घेतली. यानंतर पोलिसांनी पीडित मुलीच्या तक्रारीवरून पोक्सोसह अन्य कलमाअंतर्गत गुन्हा दाखल केला आहे. गुन्हा दाखल झाल्यानंतर पोलिसांनी तातडीने पाऊल उचलत अवघ्या 24 तासांत आरोपीला अटक करून पुढील तपासाला सुरुवात केली आहे.