रोहित पवार म्हणाले, कोरोना युद्धात लढणारा एक योद्धा आमच्याही कुटुंबात 

हॅलो महाराष्ट्र ऑनलाईन । राष्ट्रवादीचे आमदार रोहित पवार आपल्या सोशल मीडियावर नेहमी कार्यरत असतात. कोरोनासंदर्भात अनेक घटनांबद्दल तसेच इतरही गोष्टींबद्दल ते बोलत असतात. त्यांनी आज आपल्या ट्विटर अकॉउंट वरून आज अशीच एक माहिती सांगितली आहे. पवार यांनी कोरोनाच्या युद्धात लढणारा एक योद्धा आमच्याही कुटुंबात असल्याचे ट्विट केले आहे. सर्वाना माहित आहे पवार यांचे सासर पुणे आहे. त्यांची मेव्हणी पुण्यात एका रुग्णालयात योद्धा म्हणून कोरोनाविरोधात लढते आहे.

त्यांनी त्यांच्या ट्विटर अकॉउंटवरून आपल्या मेव्हणीचा फोटो शेअर करून सांगितले आहे. या आमच्या कुटुंबातील कोरोना योद्धा आहेत. त्यांना भेटून त्यांनी आज त्यांचा सत्कार केला आहे. त्यांनी ट्विटरवर म्हंटले आहे, “कोरोनाशी लढणारा एक योद्धा आमच्याही कुटुंबात आहे तो म्हणजे माझ्या सौ.कुंती यांची बहीण डॉ.शिल्पा मगर. नवले हॉस्पिटलमध्ये त्या कोरोना पेशंटची सेवा करतायेत. आज आवर्जून त्यांना भेटून त्यांचा सत्कार केला.”

 

यावेळी राज्यातील इतर कोरोना योद्धांचाही आम्हाला अभिमान आहे. असा उल्लेख करताना ते म्हणाले, “राज्यात माझे असे अनेक भाऊ व भगिनी कोरोनाशी लढतायेत, या सर्वांचा मला अभिमान आहे.” पवार यांचे सासरे सतीश मगर हे पुण्यातील बिल्डर आहेत तर त्यांची मेव्हणी नवले हॉस्पिटल मध्ये सेवा बजावत आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.