पुणे | मिडिया इंडस्ट्रीजच्या बदलत्या मागण्या लक्षात घेऊन झेवियर इन्स्टिट्युट आॅफ कम्युनिकेशन्स आणि एपीजी लर्निंग यांच्या संयुक्तविद्यमाने पत्रकारितेच्या नवीन कोर्सची घोषणा करण्यात आली आहे. पोस्ट ग्रेज्युएट डिप्लोमा इन जर्नलिझम अँड मास मिडिया असे या कोर्सचे नाव असून कोणत्याही क्षेत्रातील पदवीधारक या कोर्सला प्रवेश घेऊ शकतात.
क्सासरुम ट्रेनिंग सोबतच आॅन जाॅब ट्रेनिंगवर भर असणार्या या कोर्समधे १००% प्लेसमेंटची खात्री दिली जाणार आहे. प्रिंट, ब्राॅडकास्ट आणि डिजीटल मिडिया यांचा एकत्रित अभ्यास उपलब्ध करुन देणारा एकमेव अभ्यासक्रम, वृत्तपत्र पत्रकारिता आणि टि.व्ही. मिडिया इंडस्ट्रीतील तंज्ञांकडून आॅन द जाॅब ट्रेनिंग द्वारा थेट मार्गदर्शन आणि लेखी सरावाबरोबरच प्रात्यक्षिकांवर भर ही या कोर्सची खास वैशिष्टे आहेत. याचबरोबर कोर्सला प्रवेश घेणार्या विद्यार्थ्यांना सकाळ, सकाळ टाईम्स, साम टि.व्ही., अॅग्रोवन, गोमंतक, गोमंतक टाईम्स अशा नामवंत वृत्तपत्रांमधे इंटर्नशीपची संधी उपलब्ध करुन दिली जाणार आहे.
सकाळ समुह आणि ए.पी.जे. लर्निंग यांच्याकडून पत्रकारितेत करिअर करु इच्छिणार्या विद्यार्थ्यांना सदर कोर्सला प्रवेश घेण्याचे आवाहन करण्यात आले आहे. यासाठी मर्यादीत जागा असून मुलाखतींद्वारा प्रवेश दिला जाणार आहे. सदर कोर्स ८ आॅक्टोबर रोजी सुरु होणार असून इच्छूक उमेदवारांच्या मुलाखती दिनांक ३० सप्टेंबर रोजी पुणे, मुंबई, कोल्हापूर आणि नाशिक येथे नियोजीत करण्यात आल्या आहेत.