नवी दिल्ली ।ऑटो इंडस्ट्री बॉडी सोसायटी ऑफ इंडियन ऑटोमोबाईल मॅन्युफॅक्चरर्स (SIAM) ने शुक्रवारी सांगितले की,”नोव्हेंबरमध्ये देशातील प्रवासी वाहनांच्या घाऊक विक्रीत 19 टक्क्यांनी घट झाली आहे कारण सेमीकंडक्टरच्या तुटवड्यामुळे वाहनांचे प्रोडक्शन आणि डीलर्सना वाहनांच्या पुरवठ्यावर परिणाम होत आहे.1 मध्ये 2,64,898 युनिट्सची विक्री झाली.
नोव्हेंबर 2021 मध्ये झाली 2,64,898 युनिट्सची विक्री
गेल्या महिन्यात, पॅसेंजर व्हेइकल्स (PV) ची घाऊक विक्री नोव्हेंबर 2020 मध्ये 2,64,898 युनिट्सच्या तुलनेत 19 टक्क्यांनी कमी होऊन 2,15,626 युनिट्स झाली. त्याचप्रमाणे, दुचाकींची एकूण घाऊक विक्री मागील महिन्यात 34 टक्क्यांनी घसरून 10,50,616 युनिट्सवर आली आहे, जी मागील वर्षीच्या याच कालावधीत 16,00,379 युनिट्स होती.
तीन चाकी वाहनांची घाऊक विक्री 22,471 यूनिट्स झाली
तीनचाकी वाहनांची घाऊक विक्री नोव्हेंबर 2021 मध्ये 22,471 युनिट्सवर होती, जी मागील वर्षीच्या याच महिन्यात 24,071 युनिट्सच्या तुलनेत सात टक्क्यांनी कमी होती. गेल्या महिन्यात, सर्व कॅटेगिरीमध्ये एकूण वाहन विक्री 12,88,759 युनिट्सवर घसरली होती, जी एका वर्षाच्या याच कालावधीत 18,89,348 युनिट्स होती.
नोव्हेंबर 2021 मध्ये प्रवासी वाहनांची विक्री 7 वर्षांतील सर्वात कमी आहे
सोसायटी ऑफ इंडियन ऑटोमोबाईल मॅन्युफॅक्चरर्सचे महासंचालक राजेश मेनन म्हणाले, “जगभरात सेमीकंडक्टरच्या कमतरतेमुळे इंडस्ट्रीला प्रतिकूल परिस्थितीचा सामना करावा लागत आहे. सणासुदीच्या हंगामात, इंडस्ट्रीला आपले नुकसान भरून काढण्याची आशा होती, मात्र नोव्हेंबर 2021 मध्ये प्रवासी वाहनांची विक्री सात वर्षांतील सर्वात कमी, दुचाकींची विक्री 11 वर्षांतील सर्वात कमी आणि तीनचाकी वाहनांची विक्री 19 वर्षांतील सर्वात कमी होती.”