पत्रकार परिषदेपूर्वी संजय राऊतांनी ट्विट करीत सोमय्यांना विचारला ‘हा’ सवाल

हॅलो महाराष्ट्र ऑनलाईन । शिवसेना खासदार संजय राऊत यांनी भाजप नेते किरीट सोमय्या यांच्यावर अनेक घोटाळ्याचे आरोप केले आहेत. त्यांनी केलेल्या आरोपानंतर आज मुंबईच्या नरिमन पॉइंट येथे किरीट सोमय्या यांच्याकडून पत्रकार परिषद घेतली जात आहे. तत्पूर्वी संजय राऊत यांनी ट्विट करीत सोमय्या यांना सवाल केला आहे. “किरीट… आपण हे सांगू शकाल का? वेवूर ( पालघर ) येथील निरव डेव्हलपर मध्ये 260 कोटीची गुंतवणूक कोणाची आहे? यात कोणत्या ED joint director ची बेनामी गुंतवणूक आहे? महाराष्ट्राला कळू द्या, जय महाराष्ट्र !”, असे राऊत यांनी म्हंटले आहे.

संजय राऊत यांनी आपल्या ट्विटमध्ये म्हंटले आहे की, “किरीट… आपण हे सांगू शकाल का? वेवूर ( पालघर )येथील निरव डेव्हलपर मध्ये 260 कोटीची गुंतवणूक कोणाची आहे? येथे nikon green ville ya project मध्ये मेधा व नील किरीट सोमय्या हे संचालक आहेत का.? यात कोणत्या ED joint director ची बेनामी गुंतवणूक आहे? महाराष्ट्राला कळू द्या, जय महाराष्ट्र !”

संजय राऊत यांनी केलेल्या सवालानंतर भाजप नेते किरीट सोमय्या यांच्याकडून काय उत्तर दिले जाणार हे पहावे लागणार आहे. त्यामुळे राऊतांकडून अजूनही सोमय्या यांच्यावर निशाणा साधला जात आहे.