हॅलो महाराष्ट्र ऑनलाईन । भाजप नेते तथा केंद्रीय मंत्री नारायण राणे यांच्या पत्रकार परिषदेनंतर शिवसेना खासदार संजय राऊत यांनी नाराय राणे, किरीट सोमय्या आणि भाजपवर निशाणा साधला. केंद्रीयमंत्री नारायण राणे आणि भाजप नेत्यांकडून ईडी कारवायांच्या धमक्या दिल्या जात असल्याने यावर राऊत यांनी आम्ही तुमच्या धमक्यांना घाबरत नाही. तुम्ही अशा कितीही धमक्या दिल्या तरी रिश्ते में हम आप के बाप लगते है आणि बाप काय असतो हे तुम्हाला दिसेल, असा इशारा दिला. तसेच आठवडाभरात ईडीचा सर्वात मोठा घोटाळाया बाहेर काढणार असल्याचा गौप्यस्फोटही त्यांनी केला.
संजय राऊत यांनी आज माध्यमांशी संवाद साधला. यावेळी ते म्हणाले की, “केंद्रीय तपास यंत्रणांना तुम्ही खंडणीखोर बनवले आहे. हि भाजप नेत्यांची साधने झाली आहेत. हे क्रिमिनल सिंडिकेट आहे. ते उघड केल्याशिवाय स्वस्थ बसणार नाही. कुणाला अंगावर यायचे असेल तर या. तुम्हाला तुमच्याच भाषेत उत्तर देऊ. तुम्हाला तोंड काळे करून जावे लागेल. सोमय्यांकडून गेल्या चार दिवसांपासून रोज एक प्रकरण दिले जात आहे. पालघरला येऊर नावाच्या गावात सोमय्यांचा एक मोठा प्रोजेक्ट सुरू आहे. 260 कोटी रुपयांचा हा प्रकल्प आहे.
किरीट सोमय्या यांचा मुलगा नील सोमय्या यांच्या नावाने हा प्रकल्प सुरू आहे. त्यांची पत्नी मेधा किरीट सोमय्या या प्रकल्पाच्या डायरेक्टर आहेत. या 260 कोटींच्या प्रकल्पात ईडीच्या डायरेक्टरचे किती पैसे आहेत? ही बेनामी प्रॉपर्टी एका ईडीच्या संचालकाची आहे. हे कोटी कोटी रुपये यांच्याकडे येतात कुठून?, असा सवाल राऊत यांनी केला.