हॅलो महाराष्ट्र ऑनलाईन : नागपूर येथील हिट अँड रन प्रकरणात भाजप प्रदेशाध्यक्ष चंद्रशेखर बावनकुळे यांचा मुलगा संकेत बावनकुळे यांचं नाव आल्यानंतर राजकीय वातावरण तापलं आहे. जर एखाद्या सामान्य माणसाने हा अपघात केला असता, तर त्याचे काय हाल झाले असते? असा सवाल करत शिवसेना ठाकरे गटाचे खासदार संजय राऊत यांनी एक गंभीर आरोप केला आहे. लाहोरी बार मध्य संकेत बावनकुळे (Sanket Bawankule) आणि त्याचे मित्र दारू पीत बसले होते त्या बारचे बिल समोर आलं पाहिजे. त्यात दारूसोबत चिकन आणि बीफचेही बिल आहे, असा गंभीर आरोप संजय राऊतांनी (Sanjay Raut) केला. तसेच तुम्ही गोमांस खाता आणि आम्हाला हिंदुत्व शिकवताय? असा सवालही भाजपला केला.
आज प्रसारमाध्यमांशी बोलताना संजय राऊत म्हणाले, लाहोरी बार मध्ये जे बिल आहे ते लोकांसमोर आले पाहिजे. त्या बिलामध्ये दारूचा उल्लेख आहे. सोबतच त्यात चिकन, मटण आणि बीफ कटलेटचा अर्थात गोमांस याचा देखील त्यात समावेश आहे आणि हे लोक आम्हाला हिंदुत्व शिकवत आहे. श्रावण आहे, गणपती आहे, असं एकीकडे म्हणायचं आणि दुसरीकडे मटण, गोमांस खातात, हे आम्हाला हिंदुत्व शिकवतात असं म्हणत संजय राऊत यांनी बावनकुळे यांच्यासह भाजपवर हल्लाबोल केला.
यावेळी संजय राऊत यांनी गृहमंत्री देवेंद्र फडणवीस यांच्यावर सुद्धा जोरदार घणाघात केला. महाराष्ट्राच्या कायद्यासव्यवस्थेच्या बाबतीत सध्या धिंडवडे काढले जात आहे. देवेंद्र फडणवीस हे आत्तापर्यंतचे सर्वात घतीया गृहमंत्री आहे, महाराष्ट्र तुम्हाला माफ करणार नाही. ज्या प्रकारे राज्यात या घटना घडत आहेत, ज्या पद्धतीने तुम्ही राज्य चालवत आहात, एकीकडे चार वर्षाचे प्रकरण उकरून काढत आमच्या माजी गृहमंत्री अनिल देशमुख यांना अटक करण्याला निघाले आहात, मात्र तुमच्याच पक्षाच्या एका नेत्याच्या मुलाने अनेक गाड्यांना चिरडून निष्पाप लोकांना मारण्याचा प्रयत्न केला, त्याला तुम्ही अभय देत आहात. हे पाप तुम्ही कुठे फेडाल? असा सवाल करत संजय राऊत यांनी फडणवीसांवर टीका केली.