सातारा जिल्ह्यात आज नवीन ४ कोरोनाग्रस्त; एकूण संख्या १८५ वर

सातारा प्रतिनिधी । सकलेन मुलाणी

सातारा जिल्ह्यातील आणखी चौघांना कोरोनाची लागण झाली असून आज चार जणांचे कोरोना अहवाल पॉझिटिव्ह आले असल्याची माहिती जिल्हा शल्यचिकित्सक आमोद गडीकर यांनी दिली आहे.

आज सापडलेले नवीन कोरोनाग्रस्त कराड, पाटण आणि खटाव तालुक्यातील असल्याची माहिती मिळाली आहे. सद्यस्थितीत साताऱ्यात ७५ रुग्णावर उपचार सुरु आहेत.

दरम्यान, ताज्या आकडेवारीनुसार सातारा जिल्ह्यातील एकूण कोरोना बाधितांची संख्या १८५ वर पोहोचली आहे. तसेच आत्तापर्यंत जिल्ह्यातील 106 रुग्ण कोरोना मुक्त झाले आहेत तर चौघांचा मृत्यू झाला आहे.