हॅलो महाराष्ट्र ऑनलाईन : एका भारतीय हिंदू नागरिकाची राख भारतात आणण्यासाठी केंद्र सरकारने सौदी अरेबियाच्या सरकारला केलेल्या विनंतीवर, सौदी अरेबिया सरकारने एका हिंदू व्यक्तीचे थडगे शोधून काढल्याची माहिती दिल्ली उच्च न्यायालयात दिली. त्या व्यक्तीला मुस्लिम प्रथा अंतर्गत दफन केले गेले. केंद्र सरकारने न्यायमूर्ती प्रतिबा एम सिंह यांच्या खंडपीठाला सांगितले की, सौदी अरेबिया सरकार हिंदू व्यक्तीची हाडे काढून देण्याचा विचार करीत आहे. महिलेच्या अस्थिकलश परत मिळण्याच्या मागणीवर केंद्र सरकारने खंडपीठाला सांगितले की, जेद्दह येथील भारतीय दूतावासानेही राख परत आणण्यासाठी कायदेशीर प्रक्रिया सुरू केली आहे.
मूळ हिमाचल प्रदेशातील उना येथील रहिवासी असलेल्या अंजू शर्मा यांनी याचिका दाखल केली होती की, भारतीय दूतावासाच्या भाषांतर करण्याच्या चुकांमुळे तिचा नवरा संजीव कुमार याच्यावर मुस्लिम रूढीनुसार सौदी अरेबियात अंत्यसंस्कार करण्यात आले. त्यांनी कोर्टाकडे पतीची राख भारतात आणण्याचे निर्देश देण्याची मागणी केली होती. यावर कोर्टाने यापूर्वी केंद्र सरकारला अनेक महत्त्वपूर्ण सूचना दिल्या होत्या.
याचिकेनुसार, 24 जानेवारी 2021 रोजी संजीव यांचे डायबिटीज, उच्च रक्तदाब आणि हृदयविकाराच्या झटक्याने निधन झाले. भारतीय वाणिज्य दूतावासातील अधिकाऱ्याने अरबी भाषांतर करण्यात चूक केली आणि संजीवचा धर्म मुस्लिम म्हणून नोंदविला. यामुळे 18 फेब्रुवारी रोजी संजीवला मुस्लिम रीति-रिवाजांनी सौदी अरेबियात पुरण्यात आले. हिंदू रूढींनी पतीवर अंत्यसंस्कार करता यावे यासाठी अंजु यांनी अस्थीची राख भारतात आणावी अशी मागणी केली.