नवी दिल्ली । देशातील सर्वात मोठी सरकारी बँक असलेल्या स्टेट बँक ऑफ इंडियाने (SBI) ग्राहकांना 30 सप्टेंबर 2021 पूर्वी त्यांचे पॅन कार्ड आधारशी लिंक करण्यास सांगितले आहे. जर SBI ग्राहकांनी निर्धारित वेळेत हे काम केले नाही तर त्यांना बँकिंग सेवा मिळणे कठीण होईल.
सरकारने पॅन कार्डला आधारशी जोडणे (PAN Aadhaar linking) अनिवार्य केले आहे. सध्या पॅन-आधार लिंक करण्याची अंतिम मुदत 30 सप्टेंबर आहे. अशा परिस्थितीत SBI ने आपल्या ग्राहकांना शक्य तितक्या लवकर पॅनला आधारशी जोडण्याचे आवाहन केले आहे.
We advise our customers to link their PAN with Aadhaar to avoid any inconvenience and continue enjoying a seamless banking service.#ImportantNotice #AadhaarLinking #Pancard #AadhaarCard pic.twitter.com/bVGDbbYajX
— State Bank of India (@TheOfficialSBI) September 10, 2021
पॅनला आधारशी कसे जोडायचे ते जाणून घ्या.
>> सर्वप्रथम, इन्कम टॅक्स वेबसाइटच्या मदतीने, तुमचे पॅन आधारशी जोडलेले आहे की नाही ते शोधा.
>> यासाठी इन्कम टॅक्स वेबसाइटवर जा.
>> आधार कार्डवर एंटर केल्याप्रमाणे नाव, पॅन क्रमांक आणि आधार क्रमांक एंटर करा.
>> आधार कार्डमध्ये जन्माचे वर्ष नमूद असेल तरच स्क्वेअरवर टिक करा. त्यानंतर कॅप्चा कोड टाका.
>> यानंतर Link Aadhaar वर क्लिक करा. तुमचा पॅन आधारशी जोडला जाईल.
SMS पाठवून कसे लिंक करावे ?
SMS द्वारे पॅनला आधारशी लिंक करता येईल. यासाठी तुम्हाला तुमच्या फोनवर UIDPAN टाईप करावे लागेल. यानंतर, 12-अंकी आधार क्रमांक आणि 10-अंकी पॅन क्रमांक एंटर करा. आता हा मेसेज 567678 किंवा 56161 वर पाठवा. तुमचा पॅन आधारशी जोडला जाईल.
इनऍक्टिव्ह पॅन कसे चालू करावे ?
इनऍक्टिव्ह पॅन कार्ड पुन्हा कार्यान्वित केले जाऊ शकते. यासाठी तुम्हाला SMS पाठवावा लागेल. तुम्हाला मेसेज बॉक्समध्ये तुमच्या रजिस्टर्ड मोबाईलमधून 12 अंकी पॅन टाकावा लागेल. यानंतर, स्पेस देऊन 10-अंकी आधार क्रमांक टाका. त्यानंतर हा मेसेज 567678 किंवा 56161 वर SMS करा.