SBI ग्राहकांना देत आहे 2 लाख रुपयांचा थेट लाभ, या योजनेचा लाभ कसा घ्यावा जाणून घ्या
नवी दिल्ली । देशातील सार्वजनिक क्षेत्रातील सर्वात मोठी बँक स्टेट बँक ऑफ इंडिया आपल्या ग्राहकांना मोफत लाभ देत आहे. याअंतर्गत बँकेच्या ग्राहकांना 2 लाख रुपयांपर्यंतचा इन्शुरन्स फ्रीमध्ये दिला जात आहे. जन धन खाते असलेल्या खातेधारकांना बँक ही सुविधा देत आहे. प्रधानमंत्री जन धन योजना 2014 मध्ये सुरू करण्यात आली होती. ही योजना आर्थिक दृष्ट्या दुर्बल घटकांना आर्थिक सेवा, बँकिंग बचत आणि डिपॉझिट्स खाती, क्रेडिट, इन्शुरन्स, पेन्शनमध्ये परवडणाऱ्या पद्धतीने प्रवेश सुनिश्चित करते.
स्टेट बँक ऑफ इंडिया (SBI) जन धन ग्राहकांना SBI रुपे जन धन कार्डची सुविधा देते. या कार्डवर बँक ग्राहकांना 2 लाख रुपयांपर्यंतच्या ऍक्सिडेंटल इन्शुरन्स कव्हरची सुविधा देत आहे. तसेच, रुपे कार्डच्या मदतीने तुम्ही खात्यातून पैसे काढू शकता आणि खरेदी देखील करू शकता.
मूळ खाते जन धन खात्यात ट्रान्सफर करा
मूलभूत बचत खाते जन धन योजना खात्यात ट्रान्सफर करण्याचा पर्याय देखील आहे. जन धन खातेधारकांना बँकेकडून रुपे PMJDY कार्ड मिळते. यामध्ये, 28 ऑगस्ट 2018 पर्यंत उघडलेल्या जन धन खात्यांवर जारी केलेल्या RuPay PMJDY कार्ड्सची विम्याची रक्कम 1 लाख रुपये असेल. 28 ऑगस्ट 2018 पूर्वी खाते उघडणाऱ्या ग्राहकांनाही या योजनेचा लाभ मिळणार आहे. योजनेंतर्गत जारी केलेल्या रुपे कार्डवर 2 लाख रुपयांपर्यंतचा ऍक्सिडेंटल कव्हरचा लाभ मिळेल.
देशाबाहेरील अपघातही कव्हर
स्टेट बँकेच्या या योजनेंतर्गत भारताबाहेरील घटनाही या पर्सनल ऍक्सिडेंटल पॉलिसीमध्ये समाविष्ट करण्यात आली आहे. आवश्यक कागदपत्रे सादर केल्यावर विम्याच्या रकमेनुसार क्लेम भारतीय रुपयांमध्ये दिला जाईल. कोर्टाच्या आदेशानुसार लाभार्थी कार्डधारक किंवा कायदेशीर वारसाच्या खात्यात नॉमिनी होऊ शकतो.
जन धन खाते कसे उघडायचे ?
जर तुम्हाला तुमचे नवीन जन धन खाते उघडायचे असेल तर तुम्ही जवळच्या बँकेत जाऊन हे काम सहजपणे करू शकता. यासाठी तुम्हाला एक फॉर्म भरावा लागेल. नाव, मोबाईल क्रमांक, बँकेच्या शाखेचे नाव, अर्जदाराचा पत्ता, नॉमिनी व्यक्ती, व्यवसाय/नोकरी आणि वार्षिक उत्पन्न आणि अवलंबितांची संख्या, SSA कोड किंवा प्रभाग क्रमांक, गाव कोड किंवा शहर कोड द्यावा लागेल.
‘ही’ योजना कधी सुरू झाली ?
2014 मध्ये प्रधानमंत्री जन धन योजना सुरू करण्यात आली. ही योजना आर्थिक दृष्ट्या दुर्बल घटकांना आर्थिक सेवा, बँकिंग बचत आणि डिपॉझिट्स खाती, क्रेडिट, इन्शुरन्स, पेन्शनमध्ये परवडणाऱ्या पद्धतीने प्रवेश सुनिश्चित करते. KYC कागदपत्रे देऊन कोणीही जन धन खाते ऑनलाइन उघडू शकते.
