नवी दिल्ली । स्टेट बँक ऑफ इंडिया (SBI) ने ग्राहकांना एक महत्त्वाची नोटीस जारी करून त्यांचे पॅन कार्ड आधारशी लिंक करण्यास सांगितले आहे. SBI च्या ग्राहकांनी निर्धारित मुदतीत हे केले नाही, तर त्यांना बँकिंग सर्व्हिस मिळणे कठीण होईल.
सरकारने पॅन कार्ड आधारशी लिंक करणे अनिवार्य केले आहे. सध्या, पॅन-आधार लिंक करण्याची अंतिम मुदत 30 सप्टेंबर ते 31 मार्च 2022 पर्यंत वाढवण्यात आली आहे. अशा परिस्थितीत SBI ने आपल्या ग्राहकांना शक्य तितक्या लवकर पॅनला आधारशी लिंक करण्याचे आवाहन केले आहे.
पॅनला आधारशी कसे लिंक करायचे ते जाणून घ्या
>> सर्वप्रथम, इन्कम टॅक्स वेबसाइटच्या मदतीने, तुमचा पॅन आधारशी लिंक आहे की नाही हे जाणून घ्या.
>> यासाठी पहिले इन्कम टॅक्सच्या वेबसाइटवर जा.
>> आधार कार्डवर एंटर केल्याप्रमाणे नाव, पॅन क्रमांक आणि आधार क्रमांक टाका.
>> आधार कार्डमध्ये जन्मवर्ष नमूद असेल तरच चौकोनावर टिक करा. नंतर कॅप्चा कोड टाका.
>> यानंतर आधार लिंकवर क्लिक करा. तुमचा पॅन आधारशी लिंक केला जाईल.
SMS पाठवून लिंक कसे करावे ?
SMS द्वारेही पॅनला आधारशी लिंक करता येते. यासाठी तुम्हाला तुमच्या फोनवर UIDPAN टाइप करावे लागेल. यानंतर, 12-अंकी आधार क्रमांक आणि 10-अंकी पॅन क्रमांक एंटर करा. आता हा मेसेज 567678 किंवा 56161 वर पाठवा. तुमचा पॅन आधारशी लिंक केला जाईल.
इनऍक्टिव्ह पॅन कसे सक्षम करावे ?
इनऍक्टिव्ह पॅन कार्ड पुन्हा कार्यान्वित केले जाऊ शकते. यासाठी तुम्हाला SMS पाठवावा लागेल. तुम्हाला तुमच्या रजिस्टर्ड मोबाईलवरून मेसेज बॉक्समध्ये 12अंकी पॅन टाकावे लागतील. यानंतर स्पेस देऊन 10 अंकी आधार क्रमांक टाका. त्यानंतर हा संदेश 567678 किंवा 56161 वर SMS करा.