जळगाव प्रतिनिधी | सुरेंद्र पाटील
जळगाव महानगरपालिकेच्या महापौर पदी सीमा भोळे व उपमहापौर पदी अश्विन सोनावणे यांची निवड झाली आहे. यंदा महापौरपद हे ओबीसी महिला राखीव असल्याने भोळे यांना संधी मिळाली आहे.
महापौर पदी निवड झालेल्या सीमा भोळे या जळगाव शहरांचे विद्यमान आमदार सुरेश भोळे यांच्या पत्नी आहेत. नुकत्याच पार पडलेल्या निवडणुकांनंतर ही नेमणूक करण्यात आली आहे. अखेर जलसंपदामंत्री गिरीश महाजन यांनी आमदार भोळे यांच्या पत्नीला संधी दिली. भाजपाने सत्ता मिळविल्यापासून महापौरपदी कुणाला संधी मिळते याकडे शहरवासीयांचे लक्ष लागून होते.
