नवी दिल्ली । सुरक्षित गुंतवणुकीसाठी तुम्हीही FD चा चांगला पर्याय विचारात घेत असाल तर ही बातमी तुमच्या कामाची आहे. वास्तविक, मे 2020 मध्ये SBI, HDFC बँक, ICICI बँक आणि बँक ऑफ बडोदाने ज्येष्ठ नागरिकांसाठी खास ऑफर आणली होती. या योजनेची अंतिम मुदत वाढवण्यात आली आहे म्हणजेच तुम्ही आता मार्च 2022 पर्यंत उच्च व्याजदराचा लाभ घेऊ शकता.
SBI ‘Wecare Deposit’
SBI ने ज्येष्ठ नागरिकांसाठी ‘Wecare Deposit’ स्पेशल FD स्कीम आणली आहे. आता तुम्ही मार्च 2022 पर्यंत जास्त व्याजदराचा लाभ घेऊ शकता. यामध्ये सर्वसामान्यांना लागू होणाऱ्या दरांवरून 80 बेसिस पॉइंट जास्त व्याजाचा लाभ मिळत आहे. एखाद्या ज्येष्ठ नागरिकाने स्पेशल FD योजनेंतर्गत फिक्स्ड डिपॉझिट ठेवल्यास, FD वर लागू होणारा व्याज दर 6.20 टक्के असेल.
ज्येष्ठ नागरिकांना पाच वर्षे किंवा त्याहून जास्त कालावधीसाठी डिपॉझिटवर 30 बेस पॉइंट अतिरिक्त प्रीमियम व्याज मिळते. पाच वर्षांपेक्षा कमी कालावधीच्या रिटेल फिक्स्ड डिपॉझिटवर सामान्य नागरिकांपेक्षा 0.50 टक्के जास्त व्याज मिळेल. त्याच वेळी, ज्येष्ठ नागरिकांना सामान्य नागरिकांच्या तुलनेत पाच वर्षांपेक्षा जास्त कालावधीच्या रिटेल फिक्स्ड डिपॉझिटवर 0.80 टक्के (0.50 +0.30) जास्त व्याज मिळेल.
HDFC Senior Citizen Care
HDFC ने Senior Citizen Care सुरू केली. बँक या डिपॉझिटवर 0.75 टक्के जास्त व्याज देते. जर एखाद्या ज्येष्ठ नागरिकाने HDFC Senior Citizen Care FD अंतर्गत फिक्स्ड डिपॉझिट केले तर, FD वर लागू होणारा व्याज दर 6.25% असेल.
ICICI Bank Golden Years
ICICI बँकेने ICICI Bank Golden Years स्कीम सादर केली आहे, ही ज्येष्ठ नागरिकांसाठी खास FD योजना आहे. बँक या योजनेत 0.80 टक्के जास्त व्याज देत आहे. ICICI Bank Golden Years स्कीम ज्येष्ठ नागरिकांना वार्षिक 6.30 टक्के व्याजदर देत आहे. या योजनेचा लाभ 08 एप्रिल 2022 पर्यंत घेता येईल.