मुंबई । बुधवारी, आठवड्याच्या तिसऱ्या व्यापारी दिवशी, शेअर बाजार ग्रीन मार्कवर उघडला आणि सेन्सेक्सने पहिल्यांदाच 56 हजारांच्या पातळीला स्पर्श केला. सुरुवातीच्या ट्रेडिंग दरम्यान, 30-शेअर बॉम्बे स्टॉक एक्सचेंज (BSE) इंडेक्स सेन्सेक्स 312.44 अंकांनी वाढून 56,104.71 वर पोहोचला. बुधवारी BSE मध्ये लिस्टेड कंपन्यांची मार्केटकॅप वाढून 2,42,08,041.64 कोटी रुपये म्हणजेच 242 लाख कोटी रुपये झाली.
मंगळवारी सेन्सेक्स 55792 वर बंद झाला
एक ट्रेडिंग दिवस आधी म्हणजे मंगळवारी, तो 209.69 अंक किंवा 0.38 टक्के वाढीसह 55,792.27 च्या पातळीवर बंद झाला. दुसरीकडे, निफ्टी 51.60 अंक किंवा 0.31 टक्के वाढीसह 16,614.60 वर बंद झाला.
Tega Industries ने 750 कोटी रुपयांच्या IPO साठी कागदपत्रे दाखल केली
Tega Industries ने सेबीकडे प्रस्तावित IPO साठी कागदपत्रे (DRHP) दाखल केली आहेत. सूत्रांनुसार, हा IPO 700 ते 750 कोटींचा असू शकतो. या IPO अंतर्गत 1,36,69,478 इक्विटी शेअर्सची पब्लिक ऑफर पूर्णपणे ऑफर फॉर सेल असेल. ज्यामध्ये भागधारक आपले भागभांडवल विकतील. या ऑफर अंतर्गत, मदन मोहन मोहनका कंपनीचे प्रमोटर 33,14,657 इक्विटी शेअर्स आणि मनीष मोहनका 6,62,931 इक्विटी शेअर्स विकतील.