मुंबई । आज 10 डिसेंबर 2021 रोजी भारतीय शेअर बाजारात थोडीशी घसरण झाली. बॉम्बे स्टॉक एक्सचेंज (BSE) चा सेन्सेक्स 20.46 अंकांनी म्हणजेच 0.03 टक्क्यांनी घसरून 58,786.67 वर बंद झाला. त्याच वेळी, नॅशनल स्टॉक एक्सचेंज (NSE) चा निफ्टी देखील आज 5.55 अंकांच्या किंवा 0.03 टक्क्यांच्या किंचित घसरणीसह 17,511.30 च्या पातळीवर बंद झाला. आज शेअर बाजारात आयटी क्षेत्रातील शेअर्सवर दबाव दिसून आला.
निफ्टी बँक 37 हजारांच्या वर बंद झाली
निफ्टी बँक आणि ऑटो शेअर्समध्ये आज वाढ झाली आहे. निफ्टी बँक 17.20 अंकांच्या वाढीसह 37,099.60 वर बंद झाला. निफ्टी ऑटोने 0.06 टक्के किंवा 6.10 अंकांची किरकोळ वाढ नोंदवली आणि तो 11064.90 च्या पातळीवर बंद झाला. त्याच वेळी, निफ्टी आयटी 50.95 अंकांनी घसरून 35895.40 च्या पातळीवर पोहोचला. त्याच वेळी, बीएसई स्मॉलकॅपमध्ये आज तेजीचा कल दिसून आला. तो 0.86 टक्क्यांनी किंवा 248.71 अंकांनी 29,263.17 वर बंद झाला, तर बीएसई मिडकॅप 0.35 टक्क्यांनी वाढून 25,698.54 वर बंद झाला.
‘या’ शेअर्समध्ये झाली वाढ
बीएसई सेन्सेक्समध्ये आज एशियन पेंट्सचा शेअर सर्वाधिक वाढला. कंपनीच्या शेअर्समध्ये 3.29 टक्क्यांनी वाढ झाली आहे. याशिवाय ग्रासिममध्ये 1.54 टक्के, स्टेट बँक ऑफ इंडियामध्ये 1.24 टक्के, एसबीआय लाइफ इन्शुरन्समध्ये 1.23 टक्के आणि महिंद्रा अँड महिंद्रा मध्ये 1.01 टक्के वाढ नोंदवली गेली.
कोणते शेअर्स पडले ?
डिव्हिस लॅब्सचे शेअर्स आज सेन्सेक्समध्ये सर्वाधिक घसरले. कंपनीच्या शेअर्समध्ये 1.54 टक्क्यांची घसरण नोंदवली गेली. याशिवाय टायटन कंपनीचे 1.42 टक्के, एचडीएफसी स्टॉक्स 1.17 टक्के, कोटक महिंद्राचे शेअर 1.02 टक्के आणि टाटा कंझ्युमर प्रॉडक्ट्सचे शेअर्स 1.01 टक्क्यांनी घसरले. आशियाई बाजारांमध्ये भारताव्यतिरिक्त हाँगकाँगचे हेंग सेंग, चीनचे शांघाय कंपोझिट आणि टोकियोचे शेअर बाजार लाल रंगात बंद झाले. त्याचवेळी युरोपीय बाजारांमध्ये आज घसरणीचा कल दिसून आला.