बुलढाणा : हॅलो महाराष्ट्र – शिंदे-फडणवीस सरकार स्थापन होऊन सहा महिने उलटले तरी अद्याप मंत्रिमंडळाचा विस्तार झालेला नाही. त्यामुळे आता पक्षतील नेते आपली नाराजी उघडपणे बोलून दाखवत आहेत. तर विरोधकही यावर तोंडसुख घेत आहे. या संदर्भात शिंदे गटाचे खासदार प्रतापराव जाधव (Prataprav Jadhav) यांना प्रश्न विचारला असता ते संतापले. ते म्हणाले कि, “मंत्रीमंडळ विस्तार कधी होणार? हे सांगायला मी मी काही संजय राऊत सारखा ज्योतिषी नाही, असं उत्तर खासदार प्रतापराव जाधव (Prataprav Jadhav) यांनी दिले.
मंत्रीमंडळावरुन आमदार नाराज
मंत्री मंडळाच्या विस्ताराबाबत आमदार बच्चू कडू यांनी उघड नाराजी व्यक्ती केली होती. त्यानंतर मुख्यमंत्री शिंदे आणि उपमुख्यमंत्री फडवणीस यांच्यात मंत्रिमंडळ विस्तार करण्यासाठी धाडस नाही, अशी टीका माजी मुख्यमंत्री पृथ्वीराज चव्हाण यांनी केली होती. अशातच मंत्रीमंडळाचा विस्तार कधी होणार या प्रश्नावर शिंदे गटातील खासदार प्रतापराव जाधव (Prataprav Jadhav) यांना विचारले असता त्यांनी संतापून “मी संजय राऊत सारख ज्योतिषी नाही की तुम्हाला तारीख सांगेन, त्यांनी जसे सांगितले की फेब्रुवारीच्या पहिल्या आठवड्यात सरकार कोसळेल, त्यांनी ज्योतिषी पाहिला असेल, पंचांग पाहिला असेल, तसं मला काही पंचांग समजत नाही, मी काही ज्योतिषी नाही.”, अशी प्रतिक्रिया दिली आहे.
आमदार बच्चू कडूंचा इशारा
माजी मंत्री आणि प्रहार पक्षाचे अध्यक्ष आमदार बच्चू कडू दिवसेंदिवस शिंदे-फडणवीस सरकारवर नाराज होताना दिसत आहेत. जेव्हा सरकार स्थापन झालं त्यावेळी मंत्री पद मिळालं नाही म्हणून त्यांनी आपली नाराजी बोलून दाखवली होती. यंदाच्यावर्षी मंत्रिमंडळाचा विस्तार होणार नाही असं वक्तव्य कडू यांनी केले आहे.
हे पण वाचा :
अंधेरीचा पहिला झटका … मशाल पेटली; सामनातून भाजपवर टीकेचा बाण
जालन्यामध्ये आयशर आणि रिक्षाचा भीषण अपघात! 5 जणांचा जागीच मृत्यू
5 रुपयांच्या ‘या’ नोटेद्वारे अशा प्रकारे मिळवा लाखो रुपये
Honda पुढील महिन्यात ACTIVA Electric करणार लाँच, जाणून घ्या फीचर्स, किंमत अन् बरंच काही…VIP मोबाईल नंबर ‘फ्री’ मध्ये मिळवण्याची संधी