हॅलो महाराष्ट्र ऑनलाइन | भाजप आमदार नितेश राणे हे सुपारीबाज आमदार आहेत अशी टीका शिवसेना नेते आणि सिंधुदुर्ग जिल्हा बँकेचे माजी अध्यक्ष सतीश सावंत यांनी केली आहे. नितेश राणे यांनी सुपारी देऊन संतोष परब यांच्यावर हल्ला घडविल्याचे सचिन सातपुते याच्या चौकशीनंतर स्पष्ट झाले आहे. त्यामुळे येथील जनता यापुढच्या काळात सुपारीबाज आमदार म्हणूनच त्यांना ओळखेल असे ते म्हणाले.
नितेश राणे यांच्यावरील कारवाई हि सूडबुध्दिने करण्यात आली आहे असा आरोप भाजप कडून केला जात आहे यावर देखील त्यांनी प्रतिक्रिया दिली. या सर्व प्रकरणात कोणताही राजकीय दबाव नाही किंवा ठाकरे-राणे वादाचा संबंध नाही, राणे यांची पोलीस कोठडीत रवानगी व्हावी अशी जनतेची भावना होती. ती न्यायालयाच्या आदेशाने पूर्ण झाली आहे.असे ते म्हणाले
जिल्हा बँकेच्या निकालानंतर नितेश राणे यांनी ट्विटरवर सतीश सावंत यांचा फोटो पोस्ट करत गाडला असे कॅप्शन वापरले होते त्याचाही सावंत यांनी समाचार घेतला. जिल्हा बँकेच्या निकालानंतर माझी सोशल मीडियावर बदनामी करण्यात आली. माझी जिरवल्याची व्यंगचित्रे पोस्ट केली होती. माझी जिरवताना आमदार नितेश राणेंना काल तुरुंगात रात्र काढल्यानंतर त्यांचीच कशी जिरली हे समजले असेल असे ते म्हणाले