हॅलो महाराष्ट्र ऑनलाइन । मेघालयातील पश्चिम जेंटिया हिल्स जिल्ह्यातील दुर्गम गावात सहा लोकांचा मृत्यू झालेल्या विषारी मशरूमची ओळख अमानिता फेलो म्हणून झाली आहे. शनिवारी एका वरिष्ठ अधिकाऱ्याने सांगितले की याला सामान्यतः ‘डेथ कॅप’ मशरूम म्हणतात.
गेल्या महिन्यात, अमलरेम नागरी उपविभागामध्ये भारत-बांग्लादेश सीमेजवळील लमीन गावच्या सहा जणांचा मशरूम खाऊन मृत्यू झाला होता.त्यांनी ते जवळच्याच जंगलातून तोडून आणले होते. मृतांमध्ये एक १४ वर्षाची मुलगीही होती.
राज्य आरोग्य सेवा संचालक डॉ. अमन वॉर यांनी पीटीआय-शी बोलताना सांगितले की, या वन्य मशरूमची ओळख अमानिता फालोइड्स म्हणून झाली आहे, ज्यामुळे यकृताचे थेट नुकसान होते. ते म्हणाले की,हा विषारी मशरूम त्यांच्या मृत्यूचे कारण असल्याचे तपासणीत निष्पन्न झाल्यावर याची पुष्टी झाली आहे. मशरूम खाल्ल्यानंतर तीन कुटुंबातील किमान १८ लोक आजारी पडले.यावर ज्येष्ठ डॉक्टर म्हणाले की विषारी मशरूम खाल्ल्यानंतर उलट्या, डोकेदुखी आणि शुद्ध हरपणे यासारकाही लक्षणे आढळतात. ते म्हणाले की, आजारी पडलेल्या गरोदर महिलेसह इतर बरेचजण आता बरे झाले आहेत आणि घरी गेले आहेत.हे खाल्ल्यानंतरही लोक यातून वाचू शकतात,मात्र त्याचे किती प्रमाणात सेवन केले यावर सर्वकाही अवलंबून आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.