औरंगाबाद प्रतिनिधी |औरंगाबादमध्ये आज सकाळी अचानक सिटीचौक भागातील प्रिन्स नावाच्या चप्पलच्या दुकानाला भीषण आग लागली. अग्निशमन दलाच्या जवानांनी वेळीच धाव घेतल्याने शेजारीच सुवर्ण अलंकारासाठी प्रसिद्ध असलेला झवेरी बाजार थोडक्यात बचावला व पुढील अनर्थ टळला.
नागरिकांनी आगीची माहिती देताच पोलिसांनी अग्निशमन दलाला पाचारण केले. दोन बंबाच्या साह्याने एक तासाच्या अथक परिश्रम नंतर आग आटोक्यात आली. या आगीत कोणतीही जीवित हानी झालेली नाही. मात्र मोठ्या प्रमाणात वित्त हानी झाली आहे. वेळीच आग विझविल्याने बाजूलाच असलेली सोने विक्रीची दुकाने थोडक्यात बचावली व मोठा अनर्थ टळला.
