औरंगाबाद | शासनाने मराठवाडा विभागात उपजिल्हाधिकारी आणि तहसीलदार पदावर कार्यरत असणाऱ्या 26 अधिकाऱ्यांच्या बदल्यांचे आदेश शुक्रवारी रात्री काढण्यात आले आहे. याच औरंगाबाद निवासी उपजिल्हाधिकारी या पदावर अंबड येथील उपविभागीय अधिकारी शशिकांत हदगल यांची शासनाने बदली केली. या पदावरील संजीव जाधवर यांची बदली पालघर येथे उपजिल्हाधिकारी पदावर झाली आहे.
उपजिल्हाधिकारी रिता मैत्रे वार यांची बदली विशेष भूसंपादन अधिकारी औरंगाबाद या पदावर तर सरिता सुत्रावे यांची बदली उपजिल्हाधिकारी लातूर येथे झाली. विभागात 16 उपजिल्हाधिकारी यांच्या तर 11 तहसीलदारांच्या बदल्या झाल्या आहेत. येथील सहाय्यक पुरवठा अधिकारी दत्ता भारस्कर यांची बदली वडवणी येथे तहसीलदार पदी झाली. तहसीलदार अनिता भालेराव यांची बदली बीड पुरवठा अधिकारी पदावर झाली. रस्ते विकास महामंडळाच्या व्यवस्थापक विद्या मुंडे यांची सहाय्यक जिल्हा पुरवठा अधिकारी हिंगोली या पदावर बदली झाली आहे.
तहसीलदार आम्रपाली कासोदेकर यांची बदली उपप्रबंधक औरंगाबाद पदावर झाली. तहसीलदार प्रणाली तायडे यांची महसूल प्रबोधिनी येथे तसेच चंद्रकांत सूर्यवंशी यांनाही हिंगोली निवासी उपजिल्हाधिकारी या पदावर मुदतवाढ देण्यात आली आहे. पुढच्या आठवड्यात पुन्हा बदल्या होणार असून त्या विनंतीनुसार होणार आहेत.