Farmers Scheme| राज्यातील शेतकऱ्यांसाठी एक आनंदाची बातमी आहे. राज्य सरकारने (StateGovernment) ‘नमो शेतकरी सन्मान योजने’चा (Namo Shetkari Sanman Nidhi) सहावा हप्ता मंजूर केला आहे. लवकरच हा निधी थेट शेतकऱ्यांच्या खात्यात जमा केला जाणार आहे. तसेच, मागील काही हप्त्यांचे प्रलंबित थकबाकी भागवण्यासाठीही सरकारने मोठा निर्णय घेतला आहे. त्यामुळे कित्येक लाभार्थी शेतकऱ्यांना मोठा दिलासा मिळाला आहे.
शेतकऱ्यांना थेट आर्थिक मदत
केंद्र सरकारच्या ‘पीएम किसान सन्मान निधी’ योजनेसारखीच राज्य सरकारची ‘नमो शेतकरी सन्मान योजना’ शेतकऱ्यांसाठी मोठा आधार ठरत आहे. मात्र, मागील काही कालावधीत या योजनेच्या निधीचे वितरण लांबले होते. आता सरकारने यावर निर्णय घेत सहाव्या हप्त्यासह थकीत हप्त्यांचेही वाटप करण्याची घोषणा केली आहे.
किती निधी मंजूर?
राज्य शासनाने यासाठी अधिकृत आदेश जारी केला असून, डिसेंबर 2024 ते मार्च 2025 या कालावधीतील सहाव्या हप्त्यासाठी 1,642.18 कोटी रुपये मंजूर करण्यात आले आहेत. याशिवाय, यापूर्वी मंजूर झालेल्या पण वितरित न झालेल्या 653.50 कोटी रुपयांचाही समावेश या हप्त्यात केला जाणार आहे. त्यामुळे शेतकऱ्यांना (Farmers Scheme) आर्थिक मदतीचा मोठा दिलासा मिळणार आहे.
कधी मिळणार पैसे?
योजनेअंतर्गत आतापर्यंत पाच हप्त्यांचे वितरण पूर्ण झाले आहे. सहाव्या हप्त्यासाठी आवश्यक निधी मंजूर झाल्याने, लवकरच शेतकऱ्यांच्या खात्यात पैसे जमा होणार आहेत. प्रशासनाने शेतकऱ्यांना आपली बँक खाती तपासण्याचा सल्ला दिला आहे, जेणेकरून निधी मिळाल्यानंतर त्वरित त्याचा उपयोग करता येईल.
शेतकऱ्यांसाठी मोठा दिलासा (Farmers Scheme)
या वर्षी हवामानातील अनियमित बदल आणि अवकाळी पावसामुळे अनेक भागांतील शेतकरी अडचणीत सापडले आहेत. अशा परिस्थितीत ‘नमो शेतकरी सन्मान योजने’चा (Farmers Scheme) हा हप्ता त्यांना मोठा आधार देणारा ठरणार आहे. राज्यातील लाखो शेतकरी या योजनेच्या माध्यमातून लाभ घेत आहेत, आणि सरकारच्या या निर्णयामुळे त्यांच्या आर्थिक परिस्थितीला काहीसा आधार मिळणार आहे.
