हॅलो महाराष्ट्र ऑनलाईन Sonyacha Bhav । भारतीय सराफा बाजारात सोने- चांदीच्या किमतीत सातत्याने चढ उतार पाहायला मिळत आहेत. आधीच सोन्याचे भाव प्रति तोळा सव्वा लाखाच्या वर गेल्याने सर्वसामान्य ग्राहकांना खरेदी करणे तस परवडतच नाही. परंतु लग्न समारंभ असो वा कोणाच्या मुलाचे बारसे असो, सोन्याची वस्तू खरेदी केली जाते. त्यामुळे सोन्याच्या किमतींवर सर्वसामान्य ग्राहकांचे बारकाईने लक्ष्य असते. आज ४ डिसेंबर रोजी मल्टी कमोडिटी एक्सचेंज ऑफ इंडिया (एमसीएक्स) वर सोन्याच्या किमती वाढल्या आहेत. आज २४ कॅरेट १० ग्राम सोन्याचा भाव 128217 रुपयांवर व्यवहार करत आहे. कालच्या तुलनेत या किमतीत 0.3 टक्के म्हणजेच 385 रुपयांची वाढ पाहायला मिळतेय. तर दुसरीकडे चांदी मात्र 543 रुपयांनी स्वस्त झाली असून एक किलो चांदीचा भाव सध्या 177750 रुपये आहे. उत्पादन शुल्क, राज्य कर आणि मेकिंग शुल्कामुळे सोन्याच्या दागिन्यांच्या किमती दररोज बदलतात.
खरं तर MCX वर आज सोन्याचा व्यवहार 127950 रुपयांवर उघडला (Sonyacha Bhav) जो मागील बाजारात 127832 रुपयांवर बंद झाला होता. मार्केट उघडल्या पासूनच सोन्याच्या किमती वर खाली होत होत्या. ९ वाजून ३५ मिनिटांनी सोन्याचा भाव १२८२१७ रुपयांच्या उच्चांकी पातळीवर गेला होता. त्यानंतर सोन्याची किंमत खाली खाली येत गेली. सध्या ११ वाजून ५१ मिनिटांनी २४ कॅरेट १० ग्राम सोने १२७२८३ रुपयांवर व्यवहार करत आहे. Sonyacha Bhav
गुड रिटर्न नुसार सोन्याचा भाव – Sonyacha Bhav
22 कॅरेट सोन्याचा आजचा भाव (प्र. 10 ग्रॅम)-
पुणे- 119500 रुपये
मुंबई – 119500 रुपये
नागपूर – 119500 रुपये
24 कॅरेट सोन्याचा आजचा भाव (प्र. 10 ग्रॅम)
पुणे- 130360 रूपये
मुंबई – 130360 रूपये
नागपूर – 130360 रूपये
सोन्याची शुद्धता कशी तपासाल?
साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात. जर तुम्ही सोन्याचे दागिने खरेदी करण्याचा विचार करत असाल, तर दर्जाशी कधीही तडजोड करू नका. हॉलमार्क असलेले दागिनेच खरेदी करा, कारण हॉलमार्क हीच सोन्याची सरकारी खात्री आहे. भारतात ब्युरो ऑफ इंडियन स्टँडर्ड्स (BIS) हे हॉलमार्क प्रमाणपत्र देते. प्रत्येक कॅरेटचे वेगळे हॉलमार्क चिन्ह असते, ते तपासूनच खरेदी करावी. जर तुम्ही हॉलमार्कची खात्री न करता सोने खरेदी केले, तर त्यात भेसळ होण्याची शक्यता असते. त्यामुळे नेहमी दागिने खरेदी करताना योग्य तपासणी करा आणि दर्जेदार सोनेच निवडा.
