नवी दिल्ली । आज बाजार जोरदार घसरणीसह बंद झाला. सोमवारी शेअर बाजार रेड मार्कवर सुरू झाला आणि ट्रेडिंगच्या शेवटी रेड मार्कवर बंद झाला. दिवसभराच्या चढ-उतारानंतर बाजार घसरणीसह बंद झाला. BSE सेन्सेक्स 1000 पेक्षा जास्त अंकांनी घसरला, तर निफ्टी 1.73 टक्क्यांनी घसरला.
आठवड्याच्या पहिल्याच ट्रेडिंगच्या दिवशी सेन्सेक्स 1023.63 अंकांनी म्हणजेच 1.75 टक्क्यांनी घसरून 57,621.19 वर बंद झाला. तर NSE चा निफ्टी 302.70 अंकांनी किंवा 1.73 टक्क्यांनी घसरून 17,213.60 वर बंद झाला.
आज ऑटो, एफएमसीजी, आयटी, बँक, हेल्थकेअर, रिअल्टी शेअर्समध्ये विक्री झाली. PSU बँकिंग, मेटल आणि एनर्जी वगळता इतर सर्व सेक्टर्स रेड मार्कवर बंद झाले. सोमवारी सेन्सेक्समध्ये मोठी घसरण झाल्याने गुंतवणूकदारांना सुमारे 3 लाख कोटी रुपयांचे नुकसान झाले.
सेन्सेक्सच्या शेअर्समध्ये सर्वात मोठी घसरण एचडीएफसी बँकेत 3.63 टक्क्यांनी वाढली. याशिवाय एचडीएफसी, बजाज फिनसर्व्ह आणि बजाज फायनान्स सारख्या परदेशी गुंतवणूकदारांचे पसंतीचे शेअर्सदेखील 2.5% ते 3.5% च्या घसरणीसह ट्रेड करत होते.
बँकिंग शेअर्समध्ये झाली मोठी घसरण
आज खाजगी बँकिंग शेअर्समध्येही मोठी घसरण झाली आहे. निफ्टी बँक इंडेक्स 1 टक्क्यांनी घसरला. कोटक, इंडसइंड बँक आणि एचडीएफसी बँकेच्या शेअर्समध्येही घसरण झाली. खाजगी बँकिंग शेअर्सआणि फायनान्सिंग समभागांमध्ये विक्री दिसून आली. मात्र, पीएसयू बँकिंग शेअर्समध्ये वाढ झाली आहे.
विदेशी स्टॉक एक्सचेंजचा प्रभाव
युरोपीय शेअर बाजारात आज संमिश्र वातावरण होते. मात्र, आशियातील इतर बाजारपेठांमध्ये, हाँगकाँग, टोकियो आणि सोल मध्य सत्रात तोट्यात ट्रेड करत होते. शुक्रवारी अमेरिकेचे शेअर बाजारही संमिश्र कलासह बंद झाले.