हॅलो महाराष्ट्र ऑनलाईन। (Stunt Video) आजच्या आधुनिक जगात मोबाईल, इंटरनेट तरुण पिढीसाठी जीवनावश्यक वस्तूंच्या यादीतील महत्वाच्या बाबी ठरल्या आहेत. दिवसभरात २४ तासांपैकी किमान २२ तास ही मंडळी मोबाईलच्या माध्यमातून सोशल मीडियावर घालवतात. आजकाल रिल्सचे वेड इतके वाढले आहे की, लोक प्रसिद्धीसाठी जिवाचीसुद्धा पर्वा करत नाहीत. सध्या सोशल मीडियावर अशाच एका तरुणाचा व्हिडीओ व्हायरल होतो आहे. यामध्ये हा मुलगा चक्क उंच गच्चीवरून खाली उडी मारताना दिसतोय. जे पाहून तुमची दातखिळीच बसेल.
रीलसाठी उंचावरून मारली उडी (Stunt Video)
सोशल मीडियावर व्हायरल होणाऱ्या या व्हिडीओमध्ये तुम्ही पाहू शकता की, चार मुलं एका घराच्या उंच गच्चीवर उभी आहेत. यातील एक मुलगा चक्क गच्चीवरून खाली उडी मारत रील बनवताना दिसतोय. जेव्हा हा मुलगा उंचावरून खाली उडी मारतो तेव्हा क्षणभर आपलाही श्वास थांबतोय का काय? असेच वाटते. या मुलाने उंचावरून उडी मारल्यानंतरही दैव बलवत्तर म्हणून त्याचा जीव वाचला. असे असले तरीही हा मुलगा जेव्हा धाडकन खाली पडतो तेव्हा त्याच्या मानेला मात्र गंभीर दुखापत होते.
मानेला गंभीर दुखापत
गच्चीवरून उडी मारल्यानंतर जीव बचावला असला तरीही या मुलाच्या मानेला इतकी गंभीर दुखापत झाल्याचे दिसते की, त्याला जागेवरून उठणेही मुश्किल झाले आहे. यावेळी काही मुले धावत येतात आणि त्याला हात देऊन उठण्यास मदत करताना दिसत आहेत. सोशल मीडियावर हा व्हिडीओ प्रचंड व्हायरल होतो आहे. (Stunt Video) हा व्हिडीओ सोशल मीडिया X हॅण्डल PalsSkit नावाच्या अकाऊंटवरून शेअर करण्यात आला आहे. ज्याच्या कॅप्शनमध्ये असं लिहिलंय की, ‘जीव गेला तरी चालेल पण रील नको जायला’.
सोशल मीडियावर हा व्हिडीओ अनेक नेटकऱ्यांनी पाहिला आहे. इतकेच नव्हे तर अनेक नेटकऱ्यांनी या व्हिडिओवर कमेंट करताना आपला संतापदेखील व्यक्त केला आहे. या व्हिडिओवर कमेंट करताना एका युजरने लिहिले आहे की, ‘मान मोडली ना त्या मुलाची’. (Stunt Video) तर आणखी एका युजरने लिहले आहे, ‘हे सगळं करायची गरज काय आहे?’, अन्यही एकाने लिहिलंय, ‘सगळं झालं… आता फक्त हेच बाकी राहिलेलं’. आणखी एका नेटकऱ्याने लिहिलंय, हे किती धोकादायक आहे.. एखाद्याचा जीव गेला असता मग?’