हॅलो महाराष्ट्र ऑनलाईन। (Sunny Leone) येत्या शुक्रवारी ८ मार्च २०२४ रोजी प्रदर्शित होणाऱ्या ‘कन्नी’ चित्रपटाची सगळेच प्रेक्षक आतुरतेने वाट पाहात आहेत. या चित्रपटातील गाणी रिलीज झाल्यानंतर प्रेक्षकांचा चांगला प्रतिसाद मिळताना दिसला आहे. यातील एक जबरदस्त रॅप साँग ‘नवरोबा’ चांगलेच हिट ठरले.एकीकडे तरुणाईचे लक्ष या गाण्याने वेधून घेतले तर दुसरीकडे सनी लिओनीलासुद्धा या गाण्याची भुरळ पडल्याचे दिसून आले आहे. सोशल मीडियावर सनी लिओनीचा (Sunny Leone) एक व्हिडीओ व्हायरल होतो आहे. ज्यामध्ये ती ‘नवरोबा’ गाण्यावर थिरकताना दिसतेय.
सध्या ‘कन्नी’ या चित्रपटाची सर्वत्र चर्चा सुरु आहे. चित्रपटाच्या टिझर, ट्रेलर आणि गाण्यांनी अनेकांना वेड लावले आहे. या चित्रपटातील प्रत्येक गाण्याचा जॉनर वेगळा आहे. त्यामुळे संगीतप्रेमींनी चित्रपटातील प्रत्येक गाण्याला प्रेम दिले आहे. यातील विशेष गाजलेले गाणे म्हणजे ‘नवरोबा’. या गाण्यावरील अनेक रील्स सध्या सोशल मीडियावर व्हायरल होत आहेत. दरम्यान या गाण्याची हूकस्टेप चांगलीच गाजतंय. ज्याची भुरळ बॉलिवूडच्या (Sunny Leone) सनी लिओनीला पडली आहे. त्यामुळे ‘नवरोबा’ गाण्यावर रील बनवण्याचा मोह तिला आवरला नाही. हे गाणे एन्जॉय करत सनीने दिलेले एक्स्प्रेशन तर आणखीच कमाल आहेत.
सनी लिओनीकडून ‘कन्नी’ ला शुभेच्छा (Sunny Leone)
सनीने या व्हिडिओसोबत कॅप्शनमध्ये सिनेमाच्या टीमला शुभेच्छा दिल्या आहेत. तिच्या व्हिडिओवर शुभंकर तावडेने प्रतिक्रिया देत तिचे आभार मानले आहेत. ‘नवरोबा’ या मूळ गाण्यात अभिनेत्री हृता दुर्गुळे तिच्या जोडीदाराची आतुरतेने वाट पाहात असल्याचे दिसतेय. पुन्हा पुन्हा ऐकावे अशा या गाण्याला ज्योती भांडे आणि सीज़र यांनी गायले आहे.
तर चैतन्य कुलकर्णी यांचे कमाल बोल या गाण्याला लाभले आहेत. तसेच एग्नेल रोमन यांनी गाण्याला जबरदस्त संगीत दिले आहे. जे आपल्याला गाण्यासोबत कनेक्ट ठेवत. या गाण्यात हृतासोबत शुभंकर तावडे, वल्लरी विराज आणि ऋषी मनोहरसुद्धा दिसत आहेत. हा चित्रपट मैत्री, प्रेम आणि स्वप्न अशा थीमवर आधारलेला आहे.
दरम्यान, समीर जोशी लिखित- दिग्दर्शित ‘कन्नी’ चित्रपट येत्या ८ मार्च रोजी प्रेक्षकांच्या भेटीला येत आहे. मल्हार पिक्चर्स कंपनी प्रस्तुत, नॉटी पेंग्विन्स एंटरटेनमेंट्स आणि बियाँड इमॅजिनेशन फिल्म्स प्रॉडक्शन निर्मित, क्रोम फिल्म्स लिमिटेडच्या सहकार्याने प्रदर्शित होणाऱ्या या चित्रपटात ऋता दुर्गुळे, अजिंक्य राऊत, शुभंकर तावडे, वल्लरी विराज आणि ऋषी मनोहर यांच्या चित्रपटात प्रमुख भूमिका आहेत. या चित्रपटाची निर्मिती अमित भरगड, गगन मेश्राम, वैभव भोर, सनी राजानी यांनी केली आहे. (Sunny Leone)