नवी दिल्ली । NEET आणि JEE (Main) या परीक्षा पुढे ढकलण्यासाठी ६ राज्यांच्या मंत्र्यांनी सर्वोच्च न्यायालयाच्या परीक्षा घेण्यासाबाबतच्या निर्णयाला आव्हान देत पुनर्विचार याचिका दाखल केली होती. शुक्रवारी यावर सुनावणी पार पडली. सुनावणीदरम्यान सर्वोच्च न्यायालयानं ही याचिका फेटाळून लावली.
परीक्षांदरम्यान विद्यार्थ्यांना येणाऱ्या समस्यांकडे दुर्लक्ष केल्याचं ६ राज्यांच्या मंत्र्यांनी दाखल केलेल्या याचिकेत नमूद करण्यात आलं होतं. न्यायमूर्ती अशोक भूषण, न्यायमूर्ती बी.आर.गवई आणि न्यायमूर्ती कृष्ण मुरारी यांच्या ३ सदस्यीय खंडपीठासमोर या याचिकेवर सुनावणी झाली.
Breaking: SC Dismisses Review petition by cabinet ministers of six states challenging August 17 Order rejecting postponement of NEET-UG and JEE (Mains) examinations.#NEET #NEET2020 #JEE #NEETJEE
— Live Law (@LiveLawIndia) September 4, 2020
NTAकडून या दोन्ही परीक्षांचं आयोजन करण्यात येतं. JEE (Main) परीक्षा ही १ ते ६ सप्टेंबरदरम्यान आयोजित करण्यात आली आहे. तर NEET UG परीक्षांचं आयोजन १३ सप्टेंबर रोजी करण्यात आलं आहे. पश्चिम बंगालचे मंत्री मलय घटक, झारखंडचे मंत्री रामेश्वर ओरांव, राजस्थानचे मंत्री रघु शर्मा, छत्तीसगढचे मंत्री अमरजीत भगत, पंजाबचे मंत्री केबीएस सिद्धू आणि महाराष्ट्राचे मंत्री उदय सामंत यांनी ही याचिका दाखल केली होती.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.