नवी दिल्ली । संपूर्ण देशातील कोरोना संसर्ग पाहता एकीकडे जिथे लोकांना त्यांच्या घरी रहाण्याच्या सूचना दिल्या जात आहे, तेथेच दुसरीकडे अनेक लोकं काम करीत आहेत जेणेकरून आपल्याला बाहेर पडावे लागू नये. असा एक विभाग म्हणजे ऑनलाइन फूड डिलिव्हर. लॉकडाऊनमुळे, जिथे अनेक राज्यांत हॉटेल्स बंद आहेत आणि तिथे टेक होमचा पर्याय उपलब्ध आहे. अशावेळी फूडची होम डिलिव्हरी हा एकमेव पर्याय शिल्लक आहे. परंतु, या डिलिव्हरी करणाऱ्यांनाही धोका आहे. हे लक्षात ठेवून ऑनलाईन फूड डिलिव्हरी कंपनी स्विगीने कोरोनाला सामोरे जाणाऱ्या अडचणीच्या वेळी आपल्या कर्मचार्‍यांना (Employees) मोठा दिलासा दिला आहे. मे महिन्यात स्विगी कर्मचार्‍यांसाठी केवळ चारचा दिवसांची वर्क वीक असेल.
स्विगीचे एचआर प्रमुख गिरीश मेनन यांनी कर्मचार्‍यांना पाठवलेल्या ईमेलमध्ये ही माहिती दिली आहे. ईमेल मध्ये म्हंटले गेले आहे की,”आता आपण आठवड्यातून कोणते चार दिवस काम करायचे आहे त्याबाबत निर्णय घ्यावा आणि अतिरिक्त दिवसाचा वापर विश्रांतीसाठी करावा, आपले कुटुंब आणि मित्र तसेच आपली स्वतःची काळजीही घ्यावी,.”
एमरजंसी सपोर्ट टीम स्थापन
सद्य: स्थितीत काम करणाऱ्या कर्मचार्‍यांना मदत करण्यासाठी कंपनीने एमरजंसी सपोर्ट टीम देखील स्थापन केली आहे. कर्मचार्‍यांसाठी अ‍ॅप आणि सपोर्ट हेल्पलाईन देखील सुरू केली गेली आहे, ज्यामुळे त्यांना रूग्णालयातील बेड, आयसीयू, प्लाझ्मा, ऑक्सिजन सिलेंडर मिळण्यास मदत होईल. ऑनलाईन डॉक्टरांचा सल्ला आणि वैद्यकीय सहाय्यही स्विगी आपल्या कोरोना संक्रमित कर्मचार्‍यांना देत आहे. कर्मचार्‍यांना अ‍ॅडव्हान्स पगार, लीव्ह एन्कॅशमेंट आणि लोनही दिली जात आहेत. ग्रेड 1 ते 6 च्या कर्मचार्‍यांना मे महिन्यासाठीही लवकरच कंपनी पगार देणार आहे.
दोन लाख लसींची व्यवस्था
स्वीगीने कर्मचारी, त्यांच्या कुटुंबातील सदस्य आणि जवळजवळ दोन लाख डिलीव्हरी पार्टनर्सनाही लस दिली जाण्याची व्यवस्था केली आहे. कंपनीने अलीकडेच फंडिंग साठी नवीन राउंडमध्ये 80 लाख डॉलर्स जमा केले. या फंडिंग साठी स्विगीचे मूल्य 5 अब्ज डॉलर्स होते.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा