हॅलो महाराष्ट्र ऑनलाईन । कोरोनाव्हायरसमुळे देशात लॉकडाउन सुरु झाल्यामुळे ऑटोमोबाईल व्यवसाय एप्रिलपासून पूर्णपणे बंद झाला होता. मे महिन्यात मात्र लॉकडाऊन शिथिल झाल्यानंतर पुन्हा कामकाज सुरू केले आहे. त्यामुळे आपल्या वाहनांची विक्री वाढविण्यासाठी अनेक कंपन्या बाजारात अनेक आकर्षक ऑफर आणत आहेत. अशा परिस्थितीत जून महिन्यात भारतीय कंपनी टाटा मोटर्सने कारच्या विक्रीसह पुन्हा एकदा आपला व्यवसाय सुरू केला आहे. टाटाने Tiago, Tigor, Nexon आणि Harrier कार मॉडेल्सवर मोठ्या ऑफर दिलेल्या आहेत.
या ऑफर प्रत्येक राज्यात आणि वेगवेगळ्या डीलर्सकडे वेगवेगळ्या असणार असल्याचे कंपनीने नुकतेच जाहीर केले आहे. या सवलती निवडक मॉडेल्स आणि गाड्यांवर असतील. म्हणूनच टाटा कार्सने आपल्या ग्राहकांना या ऑफर्स बद्दल अधिकपणे जाणून घेण्यासाठी जवळच्या डीलर्सकडे जाण्याचा सल्ला दिला आहे.
टाटा मोटर्सच्या एंट्री-लेव्हल Tiago वर २८,००० रुपयांचा डिस्काउंट देण्यात येत आहे. यात १५,००० रुपयांची कॅश बॅक, १०,००० रुपयांचा एक्सचेंज बोनस आणि ३,००० रुपयांचा कॉर्पोरेट डिस्काउंट सामील आहे. त्याच वेळी, Tigorवर एकूण ४५,००० रुपयांचा डिस्काउंट देण्यात येत आहे. यामध्ये २०,००० रुपयांची कॅश बॅक, २०,००० रुपयांचा एक्सचेंज बोनस आणि ५,००० रुपयांचा कॉर्पोरेट डिस्काउंट सामील आहे.
Harrier SUV मध्ये ४५,००० रुपयांचा डिस्काउंट देण्यात येत आहे, यासह ३०,००० रुपयांच्या एक्सचेंज बोनस तसेच १५,००० रुपयांचा कॉर्पोरेट डिस्काउंट मिळत आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.