BREAKING NEWS : भयानक…धक्कादायक ! साताऱ्यात 5 वर्षाच्या मुलावर अनैसर्गिक अत्याचार करून खून, आरोपी अल्पवयीन

सातारा | तालुक्यातील म्हसवे गावात धक्कादायक प्रकार उघडकीस आला आहे. या गावातीलच एका बंद घरात पाच वर्षाच्या मुलाचा मृतदेह अर्धनग्न अवस्थेत आढळून आल्याने खळबळ उडाली आहे. मोबाईलमधील अश्लिल क्लिप पाहून एका 16 वर्षीय अल्पवयीन युवकाने 5 वर्षाच्या मुलावर अनैसर्गिक अत्याचार करून त्याचा खून करण्यात आला असल्याचे प्राथमिक तपासात निष्पन्न झाले आहे. खूनानंतर अवघ्या 2 तासांत खूनाचा छडा लावण्यात स्थानिक गुन्हे शाखा, सातारा यांना यश आले आहे.

याबाबत पोलिसांनी दिलेली माहिती अशी, मंगळवारी संध्याकाळच्या सुमारास पाच वर्षीय अल्पवयीन बालक हरवला असल्याची माहिती नातेवाईकांना मिळाल्यानंतर त्यांनी परिसरात शोधाशोध केली. मात्र तो बालक एका बंद घरात मृतावस्थेत आढळून आल्याने कुटुंबियांना धक्का बसला आहे. या घटनेची माहिती मिळताच सातारा तालुका पोलीस तसेच पोलीस अधीक्षक अजय कुमार बंसल हे घटनास्थळी दाखल झाले. याचा अधिक तपास पोलीस करत असून याप्रकरणी पोलिसांनी एका संशयित अल्पवयीन युवकाला ताब्यात घेतले आहे. मृतदेह शवविच्छेदनासाठी जिल्हा शासकीय रुग्णालयात दाखल केला आहे.

मुळचा माण तालुक्‍यातील असणारा पाच वर्षीय बालक गेले काही वर्षे आपल्‍या आई-वडिलांसह सातारा तालुक्‍यातील एका गावात भाड्यानं दोन खोल्‍या घेऊन राहण्‍यास होता. काल त्‍याचे आई-वडील कामानिमित्त बाहेर गेले होते. सायंकाळी त्‍याचे वडील कामावरुन परतले. यावेळी त्‍यांना पाच वर्षीय मुलगा घरातल्‍या पुढच्‍या खोलीत दिसला नाही. त्‍यांनी शोध घेतला, मात्र तो कोठेही आढळला नाही. यानंतर ते स्‍वयंपाक घरात गेले असता, त्‍यांना आतील स्‍वयंपाक खोलीत रक्‍तानं माखलेला मुलगा आढळला.  वैद्यकीय तपासणीअंती पाच वर्षीय त्‍या बालकास मृत घोषित करण्‍यात आले.

पोलिसांनी घटनास्‍थळावरुन मिळालेल्‍या माहितीच्‍या आधारे तपास करत त्‍याच गावातील एका 16 वर्षीय अल्‍पवयीनास चौकशीसाठी ताब्‍यात घेतले. त्‍यानं चौकशीत पाच वर्षीय बालकाचा खून केल्‍याचे कबुल केलं आहे. सदर प्रकार लैगिंक अत्‍याचाराच्‍या कारणावरुन झाल्‍याचा पोलिसांचा संशय असून त्‍याद्दष्‍टीनं तपास सुरु आहे. याची नोंद सातारा तालुका पोलिस ठाण्‍यात झाली आहे.