चप्पल चोरीचा आळ सहन न झाल्याने 17 वर्षीय मुलीने उचलले ‘हे’ पाऊल

पुणे : हॅलो महाराष्ट्र – पुण्यामधील कोंढवा या ठिकाणी एक धक्कादायक घटना घडली आहे. यामध्ये चप्पल चोरीचा आळ घेतल्याचे सहन न झाल्याने 17 वर्षीय अल्पवयीन मुलीने आत्महत्या करत आपल्या जीवनाचा शेवट केला आहे. कोंढव्यातील मोहम्मदवाडी परिसरातील कृष्णांनाग्र या ठिकाणी हि घटना घडली आहे. या प्रकरणी घर मालकिणीच्या विरोधात गुन्हा दाखल करण्यात आला आहे.

काय आहे नेमके प्रकरण
पायल बाबू चव्हाण असे आत्महत्या केलेल्या 17 वर्षीय तरुणीचे नाव आहे. मृत पायल मागील काही महिन्यांपासून पल्लवी अग्रवाल यांच्या घरी घरकामगार म्हणून काम करत होती. काही दिवसांपूर्वी पल्लवी अग्रवाल हिने पायलवर पर्स व चप्पल चोरीचा आळ घेतला होता. त्या एवढ्यावरच थांबल्या नाहीत तर त्यांनी पायलला अत्यंत अपमानकारक वागणूक देत तिला त्राससुद्धा दिला.

आपल्यावर घरमालकिणीने चोरीचा आळ घेतल्याने पायल नैराश्यात गेली. पायलला चोरीचा खोटा आरोप सहन न झाल्याने , पायलने आपल्या राहत्या घरी गळफास घेऊन आपल्या आयुष्याचा शेवट केला आहे. याबाबत पायलच्या आईने कोंढवा पोलीस स्थानकात घर मालकीण पल्लवी अग्रवाल हिच्या विरोधात तक्रार दाखल केली. यानंतर पोलिसांनी पल्लवी रितेश अग्रवाल हिच्या विरोधात गुन्हा दाखल केला आहे.