हॅलो महाराष्ट्र ऑनलाईन । अतिवृष्टीचा मोठा फटका पश्चिम महाराष्ट्राला बसला. या पार्श्वभूमीवर आज विरोधी पक्षनेते देवेंद्र फडणवीस, प्रविण दरेकर यांनी कोल्हापूर जिल्ह्यातील चिखली येथे दौरा केला. यावेळी फडणवीस म्हणाले कि, ” कोल्हापूर जिल्ह्यात महापुरामुळे मोठ्या प्रमाणात नुकसान झाले आहे. या ठिकाणी मुख्यमंत्री पुरग्रस्तांच्या भेटीला आले त्याचा आपल्याला आनंदच होत आहे. मात्र, त्यांनी आता नाहीतर पाहणी करताच लवकर मदतीची घोषणा करावी, अशी मागणी फडणवीस यांनी केली.
देवेंद्र फडणवीस म्हणाले कि, या ठिकाणी लवकरात लवकर मदत पोहचावी, येथील गावांचा पुनर्वसनाचा प्रश्न लवकर सुटावा यासाठी सरकार व महसूल विभागाकडे पाठपुरावा करणार आहे. मात्र, मलाही एक गोष्ट कळत नाही कि, राज्य सरकार मदतीसाठी का वेळ लावत आहे तसेच अजूनही मदतीची घोषणा का करीत नाहीत. त्यांना अशा परिस्थितीत मदत मिळणे गरजेची आहे.
मुख्यमंत्री उद्धव ठाकरे यांनी चिपळूण भागातील नुकसानग्रस्त भागाचा दौरा केल्यानंतर आता विरोधीपक्षनेते देवेंद्र फडणवीस व प्रवीण दरेकर यांनी पश्चिम महाराष्ट्राचा तीन दिवसीय दौरा सुरु केला आहे. त्या दृष्टीने काल सातारा जिल्ह्याचा दौरा केल्यानंतर आज सांगली जिह्यात ते पोहचले. या दौऱ्यावेळी पुरस्थितीची पाहणी करताना फडणवीस यांनी ठाकरे सरकारवर जोरदार हल्ला केला होता.