बदलापूर अत्याचाराची घटना ताजी असताना आता पुण्यातून एक धक्कादायक आणि अंगावर शहारे आणणारी घटना घडली आहे. पुणे शहरात खुनाचा एक अतिशय भयानक प्रकार समोर आला आहे. एका अनोळखी महिलेचा खून करून तिच्या मृतदेहाचे अक्षरशः तुकडे करण्यात आले असून खराडी येथील नदीपात्रात या तरुणीच धड पोलिसांना आढळले आहे.
मिळालेल्या माहितीनुसार खून झालेल्या तरुणीचे वय हे अंदाजे 18 ते 30 दरम्यान आहे. याप्रकरणी चंदन नगर पोलीस ठाण्यात अज्ञात आरोपी विरोधात कुणाचा गुन्हा दाखल करण्यात आला आहे.
खराडी परिसरात जेनी लाईट कन्स्ट्रक्शन काम सुरू आहे. तिथून जवळच असलेल्या नदीपात्रात एका महिलेचे हात पाय आणि डोके नसलेल्या अवस्थेत धड असल्याची माहिती पोलिसांना मिळाली होती. त्यानंतर पोलिसांनी घटनास्थळी जाऊन पाहणी केली आणि हा सर्व प्रकार उघडकीस आला. मयत तरुणीची ओळख अद्याप पटलेली नसून या तरुणीचं वय हे अंदाजे 18 ते 30 दरम्यान असल्याचं सांगण्यात येत आहे.
एका अज्ञात इस्माने या तरुणीला ठार मारून पुरावा नष्ट करण्याच्या उद्देशाने मृतदेहाचे धडापासून शीर, दोन्ही हात खांद्यापासून आणि दोन्ही पाय खुब्यापासून धारदार शस्त्राच्या सहाय्याने कापून टाकले. त्यानंतर हे धड मुळा- मुळा नदीपात्रात फेकून दिलं. अज्ञात व्यक्ती विरोध हत्याप्रकरणी चंदन नगर पोलीस ठाण्यात खुनाचा गुन्हा दाखल करण्यात आला असून या प्रकरणाचा अधिक तपास पोलीस करत आहेत.