हॅलो महाराष्ट्र ऑनलाईन । कोरोनाव्हायरसचा परिणाम आता भारताच्या वेगवेगळ्या राज्यात वेगाने वाढताना दिसून येतो आहे.आरोग्य मंत्रालयाच्या ताज्या माहितीनुसार, देशात कोरोना रूग्णांची संख्या २४,५०६ वर पोचली आहे, त्यापैकी १८६६८ ऍक्टिव्ह रुग्ण आहेत.आरोग्य मंत्रालयाच्या म्हणण्यानुसार, गेल्या २४ तासांत देशात कोरोनाची १४२९ प्रकरणे झाली आहेत आणि ऐकूण ५७ रुग्णांचा मृत्यू झाला आहे.कोरोनामधून आतापर्यंत ७७५ लोकांचा मृत्यू झालेला आहे.
आरोग्य मंत्रालयाने म्हटले आहे की देशात कोविड -१९ मधील एकूण २३,४५२ प्रकरणांपैकी ७७ जण परदेशी नागरिक आहेत. मंत्रालयाने म्हटले आहे की गुरुवारी सायंकाळपासून एकूण ३२ मृत्यू झाले आहेत, त्यापैकी महाराष्ट्रात १४, गुजरातमध्ये नऊ, उत्तर प्रदेशात तीन आणि दिल्ली, मध्य प्रदेश आणि तामिळनाडूमध्ये प्रत्येकी २ मृत्यू झाले आहेत.७१८ मृत्यूंपैकी महाराष्ट्र २८३ मृत्यूंसह आघाडीवर आहे, तर गुजरातमध्ये ११२ मृत्यू, तर मध्य प्रदेशात ८३, दिल्ली ५०, राजस्थान आणि आंध्र प्रदेशात २७-२७ मृत्यू आहेत. उत्तर प्रदेश आणि तेलंगणामध्ये २४-२४ जणांचा मृत्यू, तामिळनाडूमध्ये २० आणि कर्नाटकात १७ लोकांचा मृत्यू पंजाबमध्ये १६ तर पश्चिम बंगालमध्ये १५ जणांचा मृत्यू झाला आहे. जम्मू-काश्मीरमध्ये या आजाराने पाच जणांचा मृत्यू झाला आहे, तर केरळ, झारखंड आणि हरियाणामध्ये तीन लोकांचा मृत्यू झाला आहे. आरोग्य मंत्रालयाच्या म्हणण्यानुसार बिहारमध्ये दोन मृत्यू तर मेघालय, हिमाचल प्रदेश, ओडिशा आणि आसाममध्ये प्रत्येकी एक मृत्यू झाला आहे.
अमेरिकेत आतापर्यंत ५० हजार लोक मरण पावले आहेत
कोरोना या साथीच्या आजारामुळे अमेरिकेला गेल्या शंभर वर्षांतील सर्वात मोठ्या आपत्तीचा सामना करावा लागत आहे. वर्ल्डोमीटरच्या म्हणण्यानुसार अमेरिकेत कोरोनाव्हायरसच्या संसर्गामुळे आतापर्यंत ९ लाखाहून अधिक लोकांना संसर्ग झाला आहे, तर मृतांची संख्या ही ५० हजारांच्या पुढे गेली आहे. जॉन हॉपकिन्स युनिव्हर्सिटीच्या म्हणण्यानुसार, शुक्रवारपर्यंत २४ तासांत ३१७६ लोकांचा बळी गेला आहे. ही आतापर्यंतची सर्वात मोठी संख्या आहे जी २४ तासांत चीनमध्येही कधीच पाहिली गेलेली नाही. अमेरिकेत ठार झालेल्या लोकांची संख्या हि जगातील ठार झालेल्या संख्येच्या एक तृतीयांश इतकी आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.